Piskalya sa Lapu-Lapu, mao nasay gilungkab
Romeo T. Limpangog (Banat) - October 18, 2020 - 12:00am

CEBU, Philippines — Wala pa gani masulbad ang tulo ka sagunson nga pagpanglungkab sa nagkalain-laing mga buhatan sa Lapu-Lapu City government, gilungkab na sab sa mga wala mailhing mga kawatan ang City Prosecutors Office niini diha sa Palace of Justice.

Apil sa gipangawat ang mga ebidensiya sa nagkalain-laing mga kasong gihusay didto human kini nadiskubrehan alas-7 pasado na ang takna sa Sabado sa buntag Oktobre 17, 2020.

Ang pagpangawat nahitabo samtang ang siyudad ug kapolisan padayon pang naghimo og mga pamaagi nga maprotektahan ang mga buhatan sa gobiyerno gikan sa mga kawatan nunot sa sagunson nga hitabo sa tulo nila ka buhatan sugod sa miaging buwan.                           

Si Police Chief Master Sergeant Candido Baringue nga maoy desk officer sa Presinto 3  sa Lapu-Lapu City Police Office (LCPO) miingon nga si Rosalie  Menedez, 37, sakop sa janitorial service sa maong edipisyo maoy nakadiskubre nga naguba na ang pultahan sa City Prosecutors Office.

Dali niyang gipahibalo ang ilang supervisor ug mao na kini ang nagpahibalo sa mga kawani sa maong buhatan.

Matud pa ni Baringue  giguba ang pultahan sa buhatan sa piskalya sa Palace of Justice nga nahimutang usab sa atbang nga bahin sa city hall.

Sa pasiuna nga imbentaryo nangahanaw ang mga ebidensiya nga gihipos alang sa nagpadayong husay sa mga kaso nga ilang gikuptan.

Apil sa mga nangawala mao ang mga paraphernalia, armas nga kalibre .357 nga adunay unom ka mga bala ug salapi nga dili pa matino ang kantidad. Nagtuo si Baringue nga dili lang kadto ang nadala sa mga kawatan sanglit duna pay daghang mga hunos ang pugsanong giablihan sanglit wa pa mahinabi ang mga tagiya niini.

Si Baringue miingon nga dunay duha ka mga guwardiya nga nagbantay sa maong buhatan apan  magsugod  ilang duty sa alas-10 sa gabii hangtod sa alas- 6  sa buntag.

Ang maong pagpanglungkab ikaupat na nga panghitabo sugod miaging buwan hangtud karon.

Ang una mao ang City Social Services and Development Office (CSWDO) ikaduha ang City Health Department ug ang ikatulo ang City Civil Registrar nga pulos nahimutang sa bulag nga edipisyo apan anaa sa sulod sa compound sa city hall.

Tungod sa maong tulo ka insidente, ang Lapu-Lapu City Police Office (LCPO) naghimo og profiling sa mga mosud sa city hall ug sa mga buhatan niini.

Si Police Colonel  Clarito  Baja nga maoy direktor sa Lapu-Lapu City Police Office  miingon nga kabahin kini sa ilang imbestigasyon pag-ila sa mga kawatan.

Naglakip sa gipaubos sa profiling mao ang mga parking boys  ug mga gidudahang fixers kay sa ubos sa gikawatan nga buhatan sa CCRO mao man ang buhatan sa LTO.

Gitataw ni Baja nga wala pay persons of interest sa maong tulo ka naunang pagpangawat apan nagtuo  sila nga usa ra kini ka grupo. /IBM (BANATNEWS)

LAPU-LAPU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with