Mga libud-suroy sa Cebu City gipanghipos
Apan si Mayor Edgardo Labella mimando sa pagpahipos kanila subay sa Anti-Mendicancy Ordinance (Cebu City Ordinance no.1631) nga nagdili sa mga tawo paghatag og limos o bisan unsa sa mga libud-suroy diha sa publikong mga lugar.
The STAR/Walter Bollozos, file
Mga libud-suroy sa Cebu City gipanghipos
Decemay Padilla (Banat) - October 17, 2020 - 12:00am

CEBU, Philippines — Panahon sa “ber” months, nabantayan nga modaghan ang mga libud-suroy sa kadalanan dinhi sa Dakbayan sa Sugbo aron manginabuhi pinaagi sa pagpanglimos sa mga tawo ug mga motorista.

Apan nasayran ang uban kanila aduna gyuy mga balay dinhi sa siyudad ug gipili nga maglibud-suroy.

Adunay uban nidayo gikan sa laing probinsya aron dinhi manginabuhi apan sa aseras nga nagpuyo samtang ang uban anhi magpalabay sa “ber” months hangtud sa Enero atol sa Pista Senyor.

Apan si Mayor Edgardo Labella mimando sa pagpahipos kanila subay sa Anti-Mendicancy Ordinance (Cebu City Ordinance no.1631) nga nagdili sa mga tawo paghatag og limos o bisan unsa sa mga libud-suroy diha sa publikong mga lugar.

Ang Cebu City Police Office (CCPO) kauban ang Prevention Restoration Order Beautification Enhancement, Anti-mendicancy board, CESET, Cebu City Medical Center, CCTO, DSWS, Task Force K.A.S.A.L.I.G.A.N nagpahigayon og rescue operations sa mga libud-suroy sa siyudad.

Ang rescue operation nakahipos og 152 ka mga libud-suroy apil niini mga bata ug tiguwang. Apil sa gipanghipos kadtong mga nagbalay-balay o naghapin-hapin diha sa baywalk sa South Road Properties, duna say uban dunay mga binuhing iro.

Daghang na-rescue gikan sa General Maxilom Avenue, Fuente Osmeña, Tabo-an, Luyo sa simbahan sa San Nicolas, Compaña Maritima ug uban pa.

Apan di tanan boluntaryong nanguyog tungod kay adunay uban nga nagdumili ug nanghilak. Pipila ang kinahanglan alam-alaman ug gipasabot nga alang kini sa ilang kaayuhan.

Usa sa na-rescue sa mga tinugyanan sa balaod ang 17-anyos nga lalaki nga kargador nga taga Dakbayan sa Toledo apan naa na sa baywalk sa Cebu City nagpuyo. Duna kini kaipon ug duna silay anak.

“Sa among pangarga sa Toledo lahi kaysa diri (Cebu City) kay ang didto man gud sa Toledo gagmay ra kaayo og agi. Makaagi lang ka og P50, P100, mabuhi diay imong pamilya ana diba dili man? Pero diri makasugakod gyud ka diri,” sigon sa 17-anyos nga libud-suroy.

Matud niya sa baywalk sila nagpuyo kay wala pa sila kakita og kaabangan.

Ang pangulo sa PROBE Raquel Arce mibutyag ang mga na-rescue gipakaligo ug gipaubos sa medical checkup. Gidala sila sa Plaza Independencia alang sa profiling nga himoon sa Anti-Mendicancy Board.

Apil sa mga programa ang Balik-Probinsiya alang niadtong mga dili molopyo sa Cebu City ug kun taga Cebu City ihatod sila sa mga barangay kun asa sila nagpuyo gyud.

Samtang giproseso ang pagpabalik kanila sa probinsya, anha una sila mopuyo sa duha ka halfway house sa siyudad.

Apan mibahad si Arce nga kun sa higayon nga madakpan sila pagusab, pasakaan na sila og kaso. Moabot sa 152 ka mga indibidwal ang na-rescue sa mga tinugyanan sa balaod.

PROBINSYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with