COVID-19 update Aktibong kaso wa na kaabot og usa ka libo
Sa datos sa DOH-7 ang Cebu City dunay 10,155 total cases sa COVID-19 diin 221 niini ang active cases. Nakatala sab ang siyudad og 21 ka bag-ong nangaayo ug karon aduna na kini 9,257 total recoveries. Nagpabilin sab sa 677 ang deaths sa Cebu City.
The STAR/Miguel de Guzman
COVID-19 update Aktibong kaso wa na kaabot og usa ka libo
Decemay P. Padilla (Banat) - October 17, 2020 - 12:00am

MANILA, Philippines — Pito ka mga bag-ong kaso sa coronavirus disease(COVID)-2019 ang natala sa Siyudad sa Sugbo niadtong Huwebes, Oktubre 15 kini base sa datos sa Department of Health Central Visayas.

Sa datos sa DOH-7 ang Cebu City dunay 10,155 total cases sa COVID-19 diin 221 niini ang active cases. Nakatala sab ang siyudad og 21 ka bag-ong nangaayo ug karon aduna na kini 9,257 total recoveries. Nagpabilin sab sa 677 ang deaths sa Cebu City.

Ang Lapu-Lapu City usa ra ang natala nga bag-ong kaso sa COVID-19. Ang siyudad dunay 2,411 total cases sa COVID-19 diin 102 niini ang active cases. Naa sab sa 2,206 ang recoveries sa Lapu-Lapu City ug usa ang natala nga namatay mao nga naa na sa 103 ang deaths sa nahisgutang lugar.

Ang Mandaue City sa ilang bahin nakatala og upat ka bag-ong kaso sa COVID-19.Niabot na sab sa 2,509 ang total cases nila diin 91 ang active cases. Ug dunay nadugang nangaayo nga duha ka buok maong miabot na kini karon og 2,271 ug 147 ang nakalas.

Sa datos sa DOH-7 niadtong Oktubre 15, ang Central Visayas dunay 21,667 total cases sa COVID-19 diin 964 niini active cases, naa sab sa 19,399 ang recoveries ug 1,304 ang deaths.

Wala na moabot sa usa ka libo ang active case sa coronavirus disease sa Central Visayas bisan dunay nadugang nga 48 ka bag-ong kaso nianang adlawa sumala pa sa DOH-7.

Ang Bohol nadugangan og tulo, 32 sa Probinsya sa Sugbo ug usa sa Negros Oriental. Apan 64 ang nadugang sa mga nangaayo.

Sa dakbayan sa Talisay, dunay duha ka bag-ong kaso nga natala base sa nigawas nga resulta niadtong Oktubre 14. Sa samang adlaw duna say duha nga bag-ong nangaayo hinungdan nga pabiling 12 lang gihapon ang ihap sa mga aktibong kaso. Gikan sa barangay Lawaan 1 ug Linao ang nangapositibo.

Sa kinatibuk-an 981 ang kaso sa Talisay apan 871 ang nakarekuber na.

Miabot sa 98 ang nangamatay.

Sa laing bahin, gikan sa Lungsod sa Sibonga sa Probinsya sa Sugbo ang labing bag-ong kaso sa COVID19  didto sa Siquijor.

Sa advisory nga gimantala sa social media page sa kagamhanan sa Probinsya sa Siquijor,  usa ka “authorized person outside of residence” (APOR) ang maong pasyente nga nag-edad og 50 anyos nga lalaki.

Giingong miabot kini sa Siquijor alang sa usa ka proyekto apan tungod kay nagpositibo gipahiluna kini sa Provincial Isolation Facility.

Hinuon, gikan sa pagabot midiretso sa usa ka quarantine facility ang maong pasyente ug wala gyud kini nigawas hangtud nigawas ang resulta nga kini positibo. —Le Phyllis F. Antojado, Gabriel Bonjoc, Sanden J. Anadia (BANAT NEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with