CNBT mikita og 30K sa unang adlaw sa operasyon
Matud ni Carmen Quijano ang manager sa CNBT, ang kita gikan kini sa parking fee ug entrance fee sa mga bus, van-for-hire, taxi ug mga motor didto sa terminal gikan alas 6 sa buntag hangtod alas 7 sa gabii niadtong Oktober 15, 2020
Michael Varcas
CNBT mikita og 30K sa unang adlaw sa operasyon
Le Phyllis F. Antojado (Banat) - October 17, 2020 - 12:00am

CEBU , Philippines — Niabot ngadto sa P30, 000 ang kita sa Kapitolyo gikan sa unang adlaw sa operasyon sa Cebu North Bus Terminal (CNBT) sa bag-ong lokasyon niini sa compound sa usa ka mall sa Barangay Mabolo, Siyudad sa Sugbo.

Matud ni Carmen Quijano ang manager sa CNBT, ang kita gikan kini sa parking fee ug entrance fee sa mga bus, van-for-hire, taxi ug mga motor didto sa terminal gikan alas 6 sa buntag hangtod alas 7 sa gabii niadtong Oktober 15, 2020

“P30, 000 whole day na gikan sa mga bus operators and other fees. Pero dili pa na full blown nga kita.” Matod ni Quijano kinsa nidugang nga anaa sa 16 ka mini bus ug bus operators ang nag operate sa terminal.

Ang CNBT modawat usab kini og vans-for-hire (VHire) nga mobyahe padulong didto sa Norte. P200 ang parking fee sa mga bus samtang P150 ang sa V-hire. Samtang ang mga taxi ug motor nga mosulod, mobayad og P10 sa entrance.

Gibana-bana ni Quijano nga miabot og 500 ra ka mga pasahero ang nidagsa didto sa terminal niadtong unang adlaw sa operasyon niini. “Di gyud kaayo daghan, gamay ra gyud kaayo, arang arang nalang gani ron (byernes) kay mas daghan. Mas maayo sad dili ra kaayo daghan ang tawo para dili magdasok” matod ni Quijano.

Gitrabaho pa usab ang passenger’s lounge   ug traffic flow sa terminal.

“Nagtan-aw pata sa unsay dagan ani. Kung unsay area needed pa ug guards, butangan ba nato ug dugang chairs, or kung ilisan ba nato atong tent, kay naay uban ni complain nga init ang tent” matod ni Quijano.

Ang Kapitolyo ni-deploy usab og 13 ka gwardiya nga moduty sa tulo ka shifts didto sa terminal.

CNBT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with