^

140 tonelada nga basura nakolekta

Rowena Capistrano (Banat) - October 16, 2020 - 12:00am

CEBU, Philippines — Mokabat sa 140 ka tonelada nga basura ang nakolekta sa Department of Public Services kon DPS Sa Cebu City atol sa gipahigayon nga clearing operations human sa nahitabong baha niadtong Martes.

Matud pa ni John Jigo Dacua, pangulo sa DPS, padayon pa sila sa pagpanghakot sa mga basura gikan sa waterways sa siyudad isip kabahin sa ilang preventive measures.

Una niini si Mayor Edgardo Labella, nimando nga limpyohan ang mga agianan sa tubig human sa nahitabong pagbaha nga mikalas og tulo ka kinabuhi.

Subay niini giawhag ni Labella ang tanang bottled water manufacturers nga magbutang og receptacles sa nagkadaiyang dapit sa siyudad aron dili na kini magpasad sa kadalanan.

Sa gihimong inspeksyon ni Labella sa kasapaan sa miaging adlaw , nakita niya nga naghitak ang mga plastic ilabi na ang mga botelya  sa tubig nga nakahatag og dakong kontribusyon sa problema sa baha.

Suma pa sa mayor nga gamit kaayo ang receptacles tungod kay magtultol na man unya ang mga tawo sa paglabay sa ilang basura, gani duna na siya’y nabantayan nga usa ka kompanya nga nibuhat na niini. Samtang namatikdan nga ningmenos ang nakolekta nga basura sa Dakbayan sa Talisay bisan pa man sa kapistahan ni Sta. Teresa de Avila.

Si Edwin Nierves, pangu sa Solid Waste Management mitug-an nga sa nilabayng katuigan makakolekta sila ug moabot sa 145 ka toneladang basura samtang sa plastic bottle lang unom ka truck gyud ang ilang matapok.

Apan karong panahona nga nitumaw ang pandemya niubos gyud sa 60 porsyento ang koleksyon sa ilang basura, kini tungod kay hugot man nga gidili ang mga peryahan, tindahan matag pista ug mga kalingawan aron kalikayan ang panagtapok. Sanden J. Anadia, Gabriel C. Bonjoc/MEL (BANATNEWS)

GARBAGE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with