^

Dul-an P80 milyones nga illegal drugs, tambal gisunog

Rowena Capistrano (Banat) - October 14, 2020 - 12:00am

CEBU, Philippines — Sobra sa 12 mil ka gramong shabu, expired nga mga tambal ug Marijuana ang gisunog gamit ang thermal destruction kagahapon sa buntag sa usa ka crematorium sa punerarya nga nahimutang sa may Junquera Street ning Dakbayan sa Sugbo.

Mokabat P1.9 milyon nga balor sa expired nga tambal gikan sa mga licensed pharmaceutical companies ug P77 milyones nga balor sa mga illegal nga drugas ang gidauban aron di na ma-recycle. Mga opisyal sa Philippine Drug Enforcement Agency-7; uban ang Police Regional Office-7 ug mga representante sa LGUs nitambong sa maong kalihokan. Matud pa ni PDEA-7 Regional Director Levi Ortiz naresolbar na ang mga kaso sa maong mga ebidensiya ug may pagtugot sa korte ang pagguba niini.

Ang maong mga drugas nasakmit sa nagkalain-laing operasyon sa kapulisan ug PDEA-7 sa Metro Cebu.

Si Cebu City Mayor Edgardo Labella midayeg sa Cebu City Police Office(CCPO) ug Philippine Drug Enforcement Agency(PDEA)-7 sa paghingusog gyud sa ilang kampanya batok sa ginadiling drugas.

Gihangop sab sa mayor nga bisan sa gipangusgang operasyon batok illegal nga drugas, way mga report nga dunay nahitabong extra-judicial killings sa mga suspek dinhi sa dakbayan.

Nasayran nga si kanhi si Cebu City Councilor Antonio Cuenco kaniadto nagpasar og resolusyon nga naggahin og P2 milyones nga pundo alang sa pagpalit og incinerator aron pagsunog sa mga nakompiskar nga illegal nga drugas aron pagwagtang ang pagduda nga kini gi-recycle.

Si Labella miingon nga naaprubahan na kini ug ang pagpalit nalang sa maong ekipo ang himuoin sanglit gawas sa illegal nga drugas magamit sab ang incinerator sa pagsunog sa hospital waste.— Decemay P. Padilla/IBM (BANATNEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with