Mga mananagat sa Oslob, Olango Island gitabangan

Romeo T. Limpangog (Banat) - October 12, 2020 - 12:00am

CEBU, Philippines — Mga mananagat sa lungsod sa Oslob nakadawat og nagkalain-laing mga hinabang gikan ni Senador Christopher ‘Bong’ Go ug uban pa gikan sa mga ahensiya sa gobiyerno.

Sumala pa nga 198 ka mga miyembro sa Tan-awan Oslob Sea Warden and Fishermen Association ang gihatagan og mga bitamina, food packs, masks ug face shields.

Duna say mga piniling benepisaryo nga gihatagan ni Go og bisekleta aron makatabang sa ilang panginabuhian dungan sab sa pagawhag kanila nga sundon kanunay ang mga health ug safety protocols ug dili mokompiyansa tungod kay naa pa ang Covid-19.

Ang Department of Social Welfare and Development sa pikas bahin mihatag sab og financial assistance ug food packs.  Dunay 176 ka benepisaryo nga wala makadawat og hinabang gikan sa Social Amelioration Program ang gihatagan og cash pinaagi sa Assistance to Individuals in Crisis Situation program sa maong ahensiya.

Samtang 22 ka benepisaryo nga nakadawat na og SAP ang gihatagan gihapon og mga food packs.

Samtang ang Department of Trade and Industry nisusi na kun kinsa sa mga benepisaryo ang mamahimo nilang tabangan sa ilang livelihood program assistance.

Si Go miawhag sa mga benepisaryo nga di magpanuko pagduol sa mga Malasakit Centers kun magkinahanglan silang medical ug financial assistance kun pananglitan adunay masakit kanila.

Ang Malasakit Center usa ka one-stop shop nga diin giusa ang DSWD, PhilHealth, Department of Health and Philippine Charity Sweepstakes Office ug uban pa aron mausa ra og proseso sa mga pasyente aron makakuha og hinabang.

Samtang , 516 ka mga mananagat  sa Isla sa Olango  sa Dakbayan  sa Lapu-Lapu ug tag-iya og mga sari-sari stores ang nakadawat og tag P5,000 nga cash  assistant gikan sa DSWD- 7 pinaagi sa ilang Livelihood Assistance Program.

Si Anabeth Cuizon, pangulo sa City Social   Welfare  and Development Office (CSWDO) sa maong dakbayan miingon nga ang mga beneficiaries sa maong programa  mao kadtong mga molopyo nga nagbaton og ginagmay nga patigayon sama sa mga sari-sari store owner  naapektohan ang panginabuhian tungod sa pandemiya.

Ang laing beneficiaries sa maong programa  sa kagamhanan mao ang mga mananagat nga nagkinahanglan nga katabangan  sa pagpalit sa ilang kahimanan  sa pagpanagat sama sa mga pukot ug uban pa nilang kagamitan sa pagpanagat.

“Kini nga budget, tipik gihapon sa COVID 19 alleviation program sa DSWD, pinaagi sa paghatag og livelihood grants,”  nagkanayon si Cuizon.

Gisugdan ang pagpanghatag niini niadto pang Oktobre 9 ug ilang gipadayon hangtod sa Oktobre  10, 2020.

Nunot niini iyang gidasig ni  Cuizon ang mga beneficiary sa paggasto sa maong salapi subay gayod sa tumong ug katuyoan sa kagamhanan. /IBM (BANATNEWS)

BONG GO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with