^

2 ka seniors patay

Rowena Capistrano (Banat) - October 6, 2020 - 12:00am

CEBU, Philippines — Patay ang duha ka mga senior citizens human kini sila nalumos sa aso sa sunog nga niulbo sa may J. Alcantara Street, Barangay Sambag 1 ning Dakbayan sa Sugbo, Domingo sa gabii.

Ang nakalas mao sila si Dr. Glenda Mayol-Neri, 80, ug katabang niini nga si Francisca Etel Fomentera, 71.

Ang alarma sa sunog nadawat sa kabomberohan alas -11:04 sa gabii nga napawong alas 12:10 na sa kaadlawon. Gibana-bana nga moabot ngadto sa P4.8 milyones ang danyos sa maong sunog.

Matud pa ni Fire Officer 2 Fulbert Navarro, nga maoy nag-imbestigar sa maong hitabo  gisuwayan nila pag- revive ang mga duha bisan og wala na silay panimuot ug wala nay pulso dihang ilang nakuha apan nangakabsan gyud sila sa bisan nadala pa sa tambalanan.

Dugang pa ni Navarro, ang mga nakalas maoy magkuyog kanunay sa maong panimalay nga gipanag-iya sa doktora.

Naproblema sila tungod kay gipanguha sa mga tawo ang ubang mga ebidensya sama sa wirings nga importante sa ilang imbestigasyon. Hinuon pinaagi sa tabang sa barangay nauli kini.

Sa inisyal nilang pagsusi gitan-aw nila nga posibleng electrical overload ang hinungdan niini.

“Consistent ang theory nga diri nagsugod sa ubos ang sunog, base sad sa nakita nato nga damage niya. Base sa akong investigation, ga on man ang aircon sa taas ug sa ubos, probably kay si Doktora Neri maglisod naman daw to siya ug lakaw naa ra to sa taas, iyang katabang naa sa ubos natulog,” dugang pa ni Navarro. Matud ni Navarro posibleng gisaka ni Formentera sa lawak ang doktora dihang nabantayan niini ang sunog, apan wala na sila makanaog pa tungod kay nasunog na sab ang hagdanan.

Gibutyag sab ni Navarro nga gipanguha sa mga residente ang mga mapuslan pa o mabaligya sa junkshop, lakip ang mga nasunog nga wires maong nanawagan sila sa barangay nga ipauli kini sa mga nanguha tungod nagpadayon pa ilang imbestigasyon aron masayran ang hinungdan sa maong sunog.

Nanawagan karon si Navarro sa publiko nga mokooperar kanila sa mga ingon niini nga sitwasyon. Ug inay nga mag selfie ug mag Facebook live, tawgon dayon ang bombero tungod kay matag segundo importante kaayo. —Decemay Padilla, Iris Hazel M. Mascardo/IBM (BANATNEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with