COSAP balik nasab pagpang-drug test

CEBU, Philippines — Mahibalik na karong buwana ang  naandang pagpahigayon og random ug surprise drug testing sa mga kawani sa siyudad sa Sugbo ug mga barangay workers.

Ang maong programa gitahas sa siyudad sa Cebu City Office of Substance Abuse Prevention (COSAP) alang sa mga empleyado sa  kagamhanan , opisyales ug sa mga staff sa barangay.

Matud pa sa hepe sa COSAP nga si Jonah John Rodriguez nga nahunong ang drug testing gumikan sa pandemya.

Suma pa Rodriguez nga temporaryo nga nitabang ang iyang staff  sa Emergency Operation Center atol sa enhance community quarantine .

Apan karong niubos na ang quarantine level makahinay-hinay na sila sa pagbalik sa ilang naandan nga mga trabaho.

Sumala pa ni Rodriguez nga tumanon gyud nila ang estrikto nga social distancing ug uban pa nga health protocols sa pagpahigayon nila og drug testing.

Gawas sa drug testing hinay-hinay na usab nila nga gibanhaw ang uban nila nga mga programa sama panagtigom sa nagkadaiyang Barangay Anti-Drug Abuse Council (BADAC). /IBM (BANATNEWS)