Kawani sa LTO nga gi-alarma dunay personal nga away sa silingan
Gabriel C. Bonjoc (Banat) - October 4, 2020 - 12:00am

CEBU, Philippines — Personal nga away lang ang hinungdan sa panagbingkil sa usa ka empleyado sa Land Transportation Office (LTO) ug sa iyang silingan.

Kini maoy gibutyag ni Police Major Gerard Ace Pelare, pangu sa Talisay City Police Station.

Una niini, si Vince Santiago, 36 anyos, empleyado sa LTO nipasangil sa iyang silingan nga si Bryan Montefalcon, 35 anyos nga mipusil kaniya.

Apan si Montefalcon nihimakak niini ug nipasangil ni Santiago nga maoy namusil.

Si Pelare niingon nga managsilingan ang duha apan nasuko ang inahan ni Santiago sa kasaba sa panimay ni Montefalcon hinungdan nag abot gyud sila sa barangay aron husayon.

Ang duha gikatakdang ipaubos sa paraffin test aron maklaro kung kinsa ang nisuway sa pagkablit sa armas nga wala makabuto.

Hinuon gipasabot ni Pelare nga mahimong makapasaka og kaso ang duha kung aduna silay makuha nga testigos. /MEL (BANATNEWS)

LTO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with