Nag-refill og butane sikop sa Minglanilla

CEBU, Philippines — Gironda sa kapolisan ang lugar diin adto mag-refill og butane sa sitio Linao-Lipata, Lungsod sa Minglanilla niadtong Miyerkules sa hapon. Gihimo ang pagpangronda human makadawat ug tahu ang kapolisan kabahin sa maong illegal nga kalihukan sa maong dapit ug naaktuhan nila ang mga trabahante nga nag-refill og butane. Ang mga dinakpan mao sila si Tranquilino Palaca Acabo alyas Jun-Jun, 44 anyos, minyo nga nagpuyo sa maong dapit ug si Joseph Tabay Dacillo alyas JoJo, 57 anyos, minyo nga nagpuyo sa maong lugar. Ubos sa lagda sa balaod, gidili ang pag refill og butane gumikan sa kapeligro niini, gani daghan na ang kaso sa sunog kun diin butane ang gikatahung hinungdan.

Nasakmit ang ubay-ubay nga mga box, butane, resibo ug uban pang kagamitan ug ang kinatibuk-an nga kantidad sa mga nasakmit niabot sa P93, 960. /MEL (BANATNEWS)