Pagbukas og balik sa STL bantayan sa kapolisan
CEBU, Philippines — Gibutyag ni Cebu City Police Office Director Police Colonel Josefino Ligan nga kadtong mga Small Time Lottery (STL) nga dunay permits o lisensiya gikan sa Philippine Charity Sweepstakes Office (PCSO) tugutan na nga maka-operate.
Nasayran gianunsiyo sa PCSO niadtong Martes, Septiyembre 29, 2020 nga mobalik na og operate ang mga STL karong Oktubre 1.
Si Col. Ligan miingon ang kapulisan mag-monitor niini aron malikayan nga kini masudlan og illegal.
“Atoa ning pagatan-awon, starting October 1 man sila mo-operate”, ni Col. Ligan pa.
Makigtigum usab ang kapolisan sa mga nanag-iya og STL aron masuta kun nakakuha ba kini og permit ug masusi usab ang location niini.
“Naay makit-an nga booth nga dili ilaha of course dakop na, that’s illegal”, dugang ni Col. Ligan. Makig-alayon usab si Ligan sa General Manager sa PCSO nga si retired Police Colonel Royina Garma aron masuta kinsa nga mga kompaniya ang nakakuha og permiso nga mo-operate og STL sa lugar.
kahinumduman gisuspenso sa PCSO ang operasyon sa lotto ug STL niadtong Marso tungod sa hulga sa COVID-19. /MEL (BANATNEWS)
- Latest