Cebu City nakatala lang og tulo ka kaso

CEBU, Philippines — Anaa lang sa 28 ang natala nga bag-ong kaso sa coronavirus disease sa Central Visayas gikan sa 730 ka laboratory result nga nigawas niadtong Septiyembre 28.

Sa mga bag-ong natalang kaso, tulo ra niini ang sa Cebu City, duha sa Lapu-Lapu, upat sa Mandaue, lima sa Bohol ug 14 ang sa Probinsya sa Sugbo.

Sa pagkaron ang Cebu City dunay 9,978 total cases sa COVID-19 diin 392 niini ang active cases.

Niabot na sab sa 8, 913 ang recoveries sa siyudad human niadtong Lunes siyam ang nadugang nga nangaayo na.

Nagpabilin sab sa 637 ang deaths sa Cebu City sanglit sa datos sa DOH-7 niadtong Lunes wala’y natala nga dugang nangamatay sa siyudad.

Naapil kini sa 1, 652 ka active cases sa Covid-19 sa Central Visayas.

Mas daghan hinoon ang natala nga recoveries niadtong adlawa, anaa sa 93 ang na-record nga naayo hinungdan nga anaa na sa 17, 934 ang total recoveries sa Covid-19 sa rehiyon siete

Anaa na usab sa 1, 269 ang namatay human nadugangan og walo.

Suma-total anaa sa 20, 855 ang cumulative total sa Covid-19 sa Central Visayas. —Decemay Padilla/IBM (BANATNEWS)