Mass testing nakapakgang pagkatap sa COVID-19

CEBU, Philippines — Wala ra mabalaka si Cebu City Mayor Edgardo Labella nga mosaka ang kaso sa novel coronavirus disease  sa siyudad kun ipaubos na unya sa swab testing ang mga manindahay sa Carbon Public Market sugod karong adlawa hangtud sa Biyernes.

Ang siyudad mopaubos sa mga vendors sa pooled swab testing aron pagtino kun duna bay mga natakboyan kanila sa maong sakit.

Ang mga manindhay sa Unit 1 sa Carbon Public Market ipaubos karong adlawa sa maong test samtang ang mga manindahay sa Unit 2 ug 3 sa maong merkado ipaubos sa test karong Huwebes ug ang mga naninda sa Warwick Barracks ug uban pa karong Biyernes i-test.

“Okay ra kung makit-an nato nga modaghan so be it. So that we can isolate them and provide the necessary medical intervention,” sigon ni Labella.

Gihimug-atan ni Labella nga sinugdanan pa lang ilabi na niadtong buwan sa Marso, ang dakbayan sa Sugbo nihimo na gyud og massive testing nga maoy hinungdan nga dali misaka ang kaso sa COVID-19 sa siyudad tungod kay na-trace man dayon ang mga tawong nataptan.

Dugang sa mayor nga ang mga kaubanan niining mga mayor misaway kaniya nga dili magsige og test kay magsige og saka ang gidaghanon sa mga madiskubrehang positibo sa maong sakit.

Apan gipasabot ni Labella nga dili gyud sila mohunong tungod kay moral ug legal duty sa siyudad ang pakigbatok sa dili makita nga kaaway.

“I am very confident that there will come a time that once we shall have discovered mahibaw-an nato asa na ni then we will undertake contact tracing and eventually swab testing that eventually makit-an nato ning uban hain ning labi na atong higayona pagsugod nato that 90 percent of positive cases were asymptomatic kung wala pa ‘to nato madiskubrehi wala nato mabutang sa mga Barangay Isolation Centers ..... murag alarming daghan kaayo tingali pwerting grabeha nato hangtod karon,” pagpasabot ni Labella. /IBM (BANATNEWS)