Pagpabalik sa PUJs patun-an sa siyudad
CEBU, Philippines — Mi-isyu og Executive Order No. 93 si Cebu City Mayor Edgardo Labella nga namando sa pag-umol og task force aron mohimo pagtuon sa pagbalik sa mga traditional jeepneys sa Cebu City.
Patun-ansa maong task force ang pagbalik sa traditional jeepneys ubos sa new normal scenario ug moumol sab og guidelines mahitungod niini.
Nalatid sa EO No. 93 ni Labella nga ang maong Task Force langkuban nila ni Konsehal James Anthony Cuenco isip Chairperson ug mga miyembro niini nga sila si Alma Casimero pangulo sa Cebu City Transportation Office, Victor Caindec Regional Director sa Land Transportation Office, Eduardo Montealto Jr.Regional Director sa Land Transportaton Franchising and Regulatory Board, Konsehal Renato Osmeña Jr., Konsehal Niña Prisca Mabatid, City Attorney Rey Gealon ug Atty. Anne Marie Cuizon sa CPDO.
Ipasusi kanila ang kasamtangang gidaghanon sa mga pasahero ug gidaghanon sa mga PUJ operators ug drivers nga pwede pang makapamasahero.
Susihon kun pasado ba ang ilang mga sakyanan nga makapamasahero ug morekomendar ngadto sa mayor kun luwas pa ba o pwede nang makabalik ang mga PUJs.
Kinahanglan sab nilang tun-an kauban sa Local Public Transport Route Plan (LPTRP) Team of Cebu City ang rota, paghimo og mga guidelines kun unsaon nga makabalik sila nga luwas para sa pasahero ug driver.
Paghimo og mga new normal policies ug safety standards nga kinahanglang sundon sa mga operators, drivers ug mga pasahero kun matugotan na silang makabalik pamasahero. Ug pag-monitor kanila sa tanang panahon.
Ang maong EO epektibo sugod kagahapong adlawa human kini gipirmahan sab sa Mayor sa samang adlaw. /IBM (BANATNEWS)
- Latest
