Online application sa building permits gilusad sa Cebu City
CEBU, Philippines — Gipahibalo kagahapon sa hepe sa Cebu City Office of the Building Official (OBO) nga ipaagi na sa online ang aplikasyon sa building permits isip pamaagi nga ma-expose ang mga aplikante ug ang mga sakop sa maong buhatan sa novel coronavirus disease.
Si Architect Florante Catalan miingon nga sugod Oktubre 1 dili na kinahanglang moadto sa ilang buhatan ang mga aplikante tungod kay mahimo na nila kining i-apply online diha sa www.cebucity.gov.ph.
Nalakip sa ilusad nila nga online application mao ang occupancy permit ug uban pa nga gikinahanglan nga dokumento nga kuhaonon sa OBO.
Sa mga dili suhito sa online nga transakyon mahimo gihapong moadto sa ilang buhatan tungod kay nakasabot si Catalan nga dili tanang tawo ang nakahibalo og online nga sistema apan mas maayong dunay kapilian ang mga aplikante.
Ang requirements mahimo rang i-attach sa ihatag nila nga link busa mas paspas kining maproseso.
Si Mayor Edgardo Labella mihangop kini sa maong pamaagi tungod kay duha ngadto sa tulo ka adlaw mahuman na ang building permit basta makompleto lang ang mga pangayoon nga requirements. /IBM (BANATNEWS)
- Latest
