Informal settlers sa Punta Ingaño gi-relocate

Romeo T. Limpangog (Banat) - September 29, 2020 - 12:00am

CEBU, Philippines — Mokabat sa 400 ka mga informal settlers ang giandaman og relocation site sa kagamhanan sa Dakbayan sa Lapu-lapu nga adto ipahiluna sa propiyedad nga gipanag-iya sa Seascape Properties Inc.

Ang maong mga molopyo naa magpuyo sa pribadong luna nga nahimutang sa sitio Kalipayan ug Malingin sa Barangay Punta Ingaño sa Dakbayan  sa Lapu-Lapu nga maapektuhan sa ugmaron nga international tourist hub sa siyudad.

Una niini mipasalig si Mayor Junard Chan nga dili mopatuman og demolisyon sa mga residente kun wa pay luna nga kabalhinan ug makadawat usab ang matag pamilya og P15 mil pesos nga disturbance fee.

Si Edmund Dejaresco sa Seascape Properties Inc. miingon nga ang pagbukas na unya sa tourism hub sa dakbayan dako og ikatabang sa mga molopyo  sanglit dugang trabaho na man usab ang nagpaabot alang sa mga Oponganon.

Niadtong miaging Sabado, Septiyembre 26, 2020 gipahigayon ang awarding ceremony , diin mokabat sa 43 ka beneficiaries ang unang mipirma sa deed of assignments sa 30 metro kwadrado nga gidak-on sa luna nga ilang tukoran sa ilang mga panimay.

Matud pa ni Dejaresco nga moabag usab sila sa pag-andam og sakyanan nga kargahan sa mga gamit sa mga residente nga mobalhin ngadto sa ilang propiyedad.

Ang luna nga balhinan sa mga molopyo naa mahimutang sa Cordova ug Sitio Sudtonggan  sa Barangay Basak ,Dakbayan  sa Lapu-Lapu ug kompleto kini sa drainage system. /MEL (BANATNEWS)

INFORMAL SETTLERS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with