Solusyon pagpaluag sa mga prisohan giduso

CEBU, Philippines — Problema sa paghuot sa mga prisohan buot masolusyonan ni third district representative Pablo John Garcia og balaudnon nga nagtinguha nga mapaluagan ang mga prisohan pinaagi sa pag-establisar og national monitoring system alang sa mga Persons Deprived of Liberty (PDL). Si Garcia niduso kini og House Bill No. 7703 nga nag-awhag sa mga hingtungdang ahensiya sa gobiyerno paghimo og digital network nga magsilbing database sa impormasyon sa mga PDLs lakip na kadtong adunay mga pending arrest warrants, mga padayong kaso ug unsa na kadugayon ang PDL sa prisohan.

Sumala ni Garcia base sa data sa BJMP niadtong 2018, anaa sa 582.37% ang congestion rate sa detention centers o sobra 120,000 ka PDLs ang mga prisohan sa nasud.

Nakita sab nga kaliboan sa mga PDLs nag edad na og sobra 60= anyos o padung na sa maong edad.

Gisugyot sa maong balaudnon nga kinahanglang dunay hiniusang digital network ang mga korte, Department of Justice (DOJ), Bureau of Jail Management and Penology (BJMP), Bureau of Corrections, Board of Pardons and Parole, ug Parole and Probation Administration.

Pinaagi niini dali ra ang pag-ila sa mga PDLs nga angay hatagan og parole, probation, ug makapagawas sa prisohan. Makatabang kini pagpaluag sa mga prisohan.

 “Our criminal justice system must be compassionate and ensure the proper reintegration of rehabilitated persons into society. Lives must be redeemed to pursue their social and economic potential—lives must be empowered so that all Filipinos may attain a law-abiding and fulfilling existence,” matud ni Garcia. Suportado usab niya ang planong pagbalhin sa pagdumala sa mga provincial jail ngadto sa BJMP. /IBM (BANATNEWS)