Stay at Home Sunday sa Talisay gilibkas
CEBU, Philippines — Gilibkas na ni Mayor Gerald Anthony “Samsam” Gullas Jr. sa Siyudad sa Talisay ang una niya nga kamandoan nga Stay at Home Sunday.
Si Gullas niluwat og executive order human sa iyang ulahing konsultasyon sa COVID Task Force ug mga manindahay.
Sa ulahing kamandoan ni Gullas gitugotan na ang tanang establisamento sa siyudad pampubliko ug prido nga makapaninda na sa adlaw nga Domingo.
Apan padayon gihapon nga tumanon sa katawhan ang health ug safety protocols sama sa pagsul-ob og facemask, face shield, pag-obserbar sa physical distancing ug uban pa.
Ang Dakbayan sa Talisay gipaubos na kini sa modified general community quarantine (MGCQ).
Sa nasayran, ang Stay at Home Sunday gipatuman sukad sa implementasyon sa lockdown sa mga lugar sa Probinsiya sa Sugbo ug Dakbayan sa Sugbo gumikan sa COVID-19.
Si Gullas nihangyo nga unta dili isipon sa katawhan ang kamandoan nga wala nay virus apan huna-hunaon nga anaa gihapon ang pandemiya ug kinahanglang mag-amping kanunay. /BDB (BANATNEWS)
- Latest