Siyam nadugang nga kaso sa COVID-19 sa Cebu City
CEBU, Philippines — Niabot na ngadto sa 9,963 ang kinatibuk-ang kaso sa COVID-19 sa Siyudad sa Sugbo kini base sa datos sa Department of Health (DOH)-7 niadtong Biyernes sa gabii.
Base sa maong datos, ang Siyudad sa Sugbo aduna kini siyam ka bag-ong kaso sa COVID-19.
Sa nahisgutang kinatibuk-ang gidaghanon sa kaso 391 niini ang active cases.
Nikabat ngadto sa 8,900 ang kinatibuk-ang recoveries lakip na niini ang ulahing 11 nga nadugang, 672 ang kinatibuk-ang namatay lakip niini ang ulahing duha nga nadugang.
Samtang sa Dakbayan sa Lapu-Lapu, aduna kini 2,341 nga kinatibuk-ang kaso lakip na niini ang duha nga ulahing nadugang ug 245 niini ang active cases, 2,003 ang kinatibuk-ang recoveries ug 93 ang gidaghanon sa mga namatay.
Subay niini, ang Dakbayan sa Mandaue nikabat ngadto sa 2,424 ang kinatibuk-ang kaso lakip na niini ang siyam ka ulahing nadugang ug aduna kini 209 active case, nikabat sa 2,070 ang kinatibuk-ang recoveries lakip na niini ang ulahing 22 nga nadugang.
Ang siyudad aduna kini 140 ka gidaghanon sa mga namatay lakip na ang ulahing duha nga nadugang.
Ang Central Visayas dunay 20,715 total cases sa COVID-19 diin 1,633 ang active cases, 17, 823 ang recoveries ug 1,259 ang namatay.
Nunot niini, ang Dakbayan sa Talisay adunay natala nga upat ka bag-ong kaso sa COVID-19.
Kini base sa nigawas nga resulta niadtong Septiyembre 24 niining tuiga.
Ang mga bag-ong kaso nagagikan kini sa mga barangay sa Dumlog ug Maghaway.
Sa kinatibuk-an, niabot na ngadto sa 954 ang kaso sa siyudad, 38 na lang niini ang aktibo, 821 ang recoveries ug 95 ang mga namatay. Gabriel C. Bonjoc/BDB (BANATNEWS)
- Latest
