Asset sa Kapitolyo nadugangan og P1B
CEBU, Philippines — Nadugangan og usa ka bilyon ka pesos ang total assets sa Probinsya sa Sugbo human nga naangkon niini ang 64 ka ektarya nga luna sa Barangay Uling sa Siyudad sa Naga.
Ang maong luna ubos sa pangalan sa usa ka Leopolda Cecilio nga matod pa pakyas sa pagbayad sa real property tax due niini.
Matud sa Provincial Treasurer nga si Roy G. Salubre nga si Cecilio pakyas kini pagbayad sa P11 milyones nga real property tax. Naapil ang maong luna sa gi-auction sa Probinsya sa Sugbo niadtong 2007.
Ang maong luna maoy susamang property nga gi-identify sa Kapitolyo isip lugar kon asa ibutang ang gisugyot nga Waste-to-Energy (WTE) nga proyekto sa probinsiya.
Gumikan niini madugangan pa ang kasamtangang P202.9 bilyones nga assets sa Probinsiya sa Sugbo sa tuig 2019 nga unang nisaka og P168 bilyones gikan niadtong 2018 nga anaa sa P34.5 billion. /MEL (BANATNEWS)
- Latest
