56 ka tawo na-close contact sa boatmen gi-swab test
CEBU, Philippines — Gipaubos sa swab test sa Lapu-Lapu City Health Office ang 56 ka tawo kinsa na-close contact sa mga boatman, island hopping operators ug divers nga nagpositibo sa COVID-19.
Sa maong gidaghanon 47 niini gikan sa Isla sa Olango ug siyam sa Barangay Maribago.
Si Grace Carungay, hepe sa City Epidemiological and Surveillance Unit nagkanayon nga ilang giawhag ang maong mga tawo nga mopaubos una sa home isolation samtang gipaabot pa ang resulta sa ilang swab test.
Si Mayor Junard Ahong Chan nagkanayon nga sa ilang bahin sa lokal nga kagamhanan mohatag sila og hinabang sama sa pagkaon ngadto sa mga pamilya nga naapektohan.
“We placed them at an isolation facility and we will give food for their family”, ni Chan pa.
Nasayran nga niadtong Miyerkules 30 ka boatman ang gipaubos sa swab test diin gipahigayon kini diha sa Mactan Shrine. /BDB (BANATNEWS)
- Latest
