Pagpatay ni Konsehal Augusto sa Barangay Mactan gisusi
Romeo T. Limpangog (Philstar.com) - September 22, 2020 - 12:00am

CEBU, Philippines — Gitinguha sa mga imbestigador sa kapolisan sa Lapu-Lapu City Police (LCPO) nga masusi ang footage sa mga close circuit television (CCTV) camera sa mga establisamento sa Barangay Poblacion sa Dakbayan  sa Lapu-Lapu.

Kini sa pamasin nga makatabang kanila sa pag-ila sa mga mamumuno ni Mactan Barangay Konsehal Zandro Augusto.

Suma pa ni Police Major Jose Angelo Acupinpin ang hepe sa Presinto 3 sa LCPO nga apil sa ilang susihon ang kabahin sa iyang negosyo ingon man sa iyang katungdanan isip konsehal sa Barangay Mactan.

Sa nasayran si Barangay Konsehal Augusto padulong unta kini sa pagkuha sa iyang asawa alas 7 pasado ang takna sa gabii niadtong Sabado, dihang kalit kini gipusil sa nag-angkas sa motorsiklo sa dalan Lopez Jaena sa Barangay  Poblacion .

Suma pa sa kapolisan nga si Konsehal Augusto nakaangkon og samad pinusilan sa iyang dughan nga maoy hinungdan sa iyang hinanaling kamatayon.

Ang mamumuno nagsakay sa black and white Honda XRM nga motorsiklo ug dali kini nga misibat pahilayo sa maong dapit.

Pasiunang kasayuran nga nakuha sa kapolisan gikan sa pamilya sa konsehal, giingon nga wa kini gikaaway sa iyang negosyo ug ingon man sa iyang pag-serbisyo isip konsehal sa Barangay Mactan.

Niadtong Domingo sa post sa Face book ni Mayor Junard Ahong Chan siya nagtanyag og mokabat sa P1 milyon nga salaping cash isip ganti niadtong makahatag og impormasyon may kalabutan sa kamatayon ni Konsehal Augusto. /MEL (BANATNEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with