OSCA sa Talisay nagkinahanglan og lider
CEBU, Philippines — Giawhag ni Konsehal Socrates Fernandez sa Dakbayan sa Talisay ang mga chapter leader sa matag barangay nga maghiusa ug modesisyon nga sila magpahigayon og piniliay aron makatudlo og tawo nga maoy mangulo sa Office of Senior Citizen Association (OSCA).
Si Fernandez maoy temporaryo nga nihupot sa maong posisyon human nitaliwan ngadto sa laing kalibutan si Nick Hermosa niadtong tuig 2018.
Matud ni Fernandez nga mopasar siya og resolusyon ug ipanghatag ngadto sa chapter leaders aron sa pagdasig kanila nga mohimo na sa lakang aron aduna na sila’y lider.
Sayo pa, adunay mga hungihong nga si Siloy Gimeno kinsa sakop usab sa senior citizen ang nagpakita og ka interesado nga maoy mangulo sa OSCA ug gikompirma usab kini ni Fernandez.
Ang Banat News nisuway og kuha sa habig ni Gimeno kabahin sa maong isyu apan dili kini ma-contact. /BDB (BANATNEWS)
- Latest
