144 ka sakyanan pataka og parking na-clamp
CEBU, Philippines — Niabot ngadto sa144 ka sakyanan ang na-clamp sa Cebu City Transportation Office (CCTO) atol sa ilang gipahigayon nga operasyon diha sa kabarangayan sa Dakbayan sa Sugbo sa nilabay’ng gabii.
Kini ang gitug-an ni John Paul Amores, public information officers sa communications and electronics sa CCTO nga nahinabi sa Banat News.
Matud ni Amores nga ang mga na-clamp nakalapas kini sa City Ordinance #2004 kun “Night Illegal Parking”.
Ang CCTO subli nga nipahimangno sa mga adunay sakyanan nga dili magpataka og parking matag gabii aron kong adunay mga motumaw nga emerhensiya dili maglisod o malangan ang mgaa responder sa pagtubag ug hapsay usab ang paglakaw sa mga tawo diha sa ilang dapit.
Si Amores nagkanayon nga ang mga barangay nga gipahigayonan og operasyon sa CCTO naglangkub sa Guadalupe, Banawa, Opra/Kalunasan ug Salvador/Katipunan. /BDB (BANATNEWS)
- Latest
