11 ka kaso sa COVID-19 nadugang sa Talisay
CEBU, Philippines — Ang kaso sa COVID-19 sa Dakbayan sa Talisay nagsaka ug kanaog kini sa nilabay nga mga semana.
Sa pinakauwahing resulta nga nigawas niadtong Septiyembre 17, 2020 nikabat sa 11 ang bag-ong nagpositibo sa COVID-19 sa siyudad ug usa niini ang naka-recover.
Ang mga bag-ong nagpositibo naggikan kini sa Barangay Poblacion, Dumlog, Bulacao, Tabunok ug Lawaan 3.
Sa kinatibuk-an niabot na ngadto sa 940 ang kaso sa COVID-19 sa siyudad diin 794 ang naka-recover, 87 ang namatay samtang 52 nalang ang aktibong kaso.
Ang Dakbayan sa Talisay gipaubos kini sa modified general community quarantine (MGCQ) apan istrikto gihapon ang pagpatuman sa health protocols sa siyudad. /BDB (BANATNEWS)
- Latest