Polis nga gi-ambush namatay, motor sa gunmen narekober
Rowena D.Capistrano (Banat) - September 17, 2020 - 12:00am

CEBU, Philippines — Anggulo sa kaniadto trabaho, negosyo ug personal maoy gisubay sa mga imbestigador kabahin sa pag-ambush sa magtiayong retiradong polis ug asawa niining negosyante diha sa Nasipit, sa Barangay Talamban sa Dakbayan sa Sugbo niadtong nakalabay nga adlaw.

Nakabsan gyud sa kinabuhi si retired Police Inspector Edmund Junco, 65, samtang angol ang asawa niining Betty Junco, 57, human silang duha sakay sa Toyota Hilux sa dihang kalit silang gipaulanan og bala sa wala pa mailhing mga mamumuno.

Ang hepe sa Talamban Police Station, Cebu City Police Office, Police Major Jonathan Taneo miingon nga nakabsan gyud sa kinabuhi ang kanhi polis human kini nakaangkon ug samad pinusilan sa iyang liog ug tiyan samtang pingis lang ang naangkon sa asawa niini.

Sumala pa ni Taneo posibleng giingong gisundan ang magtiayon sa ilang pagbiyahe. Lakip sa ilang gisusi ang dapit diin giingong unang girakrakan ang mga  biktima sanglit didto giingong nakabawos pa si Junco sa nangambus kanila apan wala nakaigo sa mga mamumuno.

Unom ka mga kabhang sa bala sa kalibre .45 ug usa ka buhing bala ang nahipos sa crime scene.

Natultulan na usab sa kapulisan ang giingong motor nga gisakyan sa mga nisibat nga mamumuno.

Ang pangulo sa Cebu City Police Office Police Colonel Josefino Ligan, nitug-an ilang ipatawag ang tag-iya niini aron sa pagpakisayud bahin sa koneksyon sa ambush.

Si Junco kanhi sakop sa Criminal Investigation and Detection Group- 7 ug nagplano si Ligan nga moduol sa maong police unit aron makuha og dugang impormasyon. /IBM (BANATNEWS)

PNP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with