Dugang duha ka barangay wa na mapun-ig og bag-ong kaso
Decemay Padilla, Rowena D. Capistrano (Banat) - September 16, 2020 - 12:00am

Cebu, Philippines — Gipahibawo ni Konsehal Joel Garganera, Deputy Chief Implementer of Inter-Agency Task Force(IATF) Emergency Operations Center(EOC) Cebu City nga niabot na sa 38 ka mga Barangay sa Cebu City ang zero-transmission sa Corona Virus Disease(COVID)-2019.

Ang maong mga Barangay gilangkuban sa Calamba, Adlaon, Agsungot, Babag, Bonbon, Budlaan, Buot, Cambinocot, Day-as, Ermita, Guba, Kinasang-an Pardo, Lusaran, Mabini, Malubog, Pamutan, Paril, Pasil, Pulang Bato, Pung-ol Sibugay, Quiot, San Antonio, San Nicolas Proper, Santo Niño, Sawang Calero, Sinsin, Sirao, Suba, Sudlon I, Sudlon II, T. Padilla, Tabunan, Tagba-o, Taptap, Tinago, Toong, Duljo  ug Kalunasan.

Kahinumduman base sa datos sa Cebu City Emergency Operations Center sa miaging adlaw sa 80 ka barangay sa Cebu City 36 ka mga barangay ang walay natalang bag-ong kaso.

Apan kagahapon si Garganera miasoy nga nga nadugang ang Duljo-Fatima  ug Kalunasan hinungdan nga niabot na kini sa 38.

Gitataw ni Garganera nga sa pagbukas unya sa ekonomiya sa dakbayan mas modaghan ang mga tawo hinoon nalipay ang Emergency Operations Centers sa kooperasyon nga gihatag sa business sector.

Matud niya unom nalang ka mga establisamento ang nagpabiling sirado apan boluntaryo lang nila kining gihimo.

Danao City

Samtang duha ka adlaw na nga walay natalang dugang kaso sa COVID-19 ang Dakbayan sa Danao apan mga opisyal padayon nga niawhag sa katawhan nga pabilin mosunod sa mga gipatuman nga health protocols. Sa social media page sa siyudad kini nitug-an nga wala silay natalang dugang kaso gikan sa Septiembre 13 ug 14 .

Gidasig usab sa lokal nga pangagamhanan ang katawhan nga libre lang ang swab test sa city health hinungdan dili sila angay nga mahadlok o mauwaw sa pagpatan-aw ilabi na kadtong nagpakita og sintomas ug sa mga adunay close contact sa mga positibo sa Covid-19.

Giklaro usab sa mga opisyal sa dakbayan nga walay lockdown nga mahitabo sa ilang fiesta apan ang Danao City IATF ni discourage sa tanan sa pagtapok-tapok sa sobra napulo ka tawo.

Ang Danao magsaulog sa ilang pista ni Sr. Sto. Tomas de Villanueva karong adlaw nga Domingo.(BANAT NEWS)

IATF
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with