Hepe sa MGB-7 ipatawag sa hunta probinsiyal
Cebu, Philippines — Gi-defer una sa hunta probinsiyal ang resolusyon ni Bokal John Ismael Borgonia sa pagkondenar sa hepe sa Mines and Geosciences Bureau (MGB)-7 Loreto Alburo tungod sa giingong pag-isyu niini og duha ka ore permit ngadto sa kompaniya nga nagdala sa mga dolomites padulong ngadto sa Manila Bay.
Atol sa ilang regular session niadtong Lunes wala una ipasar ang resolusyon ni Borgonia samtang wala pa madungog ang habig ni Alburo.
Ang hunta probinsiyal niimbitar kini kang Alburo nga motambong sa sunod nga session sa legislative body karong Septiyembre 21, 2020 aron mohatag og katin-awan sa maong isyu.
“We will request the presence of Engr. Alburo on September 21, in the next session of the Provincial Board”, matud ni Bise Gobernador Hilario Davide III sa report sa Sugbo News.
Si Borgonia niduso kini og resolusyon sa pagkondenar sa giingong pag -isyu sa MGB og OTP nga kuwang sa konsultasyon ug public transparency.
Si ex-officio PB member Celestino Martinez III sa iyang motion nihangyo kang Alburo aron mopatin-aw sa isyu kalabutan sa pagluwat niini og permit ug ikaduha ang pagsuta sa jurisdiction sa DENR sa pagmina og dolomite ug ubang minerals sa Probinsiya sa Sugbo.
“We also want to see the requirements, whether there was a misunderstanding or miscommunication, or what is the jurisdiction of DENR as to allowing the mining of dolomite and other minerals in the province”, matud ni Martinez.
Si Martinez nagkanayon nga kinahanglang motubag una sa mga pangutana si Alburo una ipasar ang nahisgutang resolusyon.
“So maybe he can answer these questions prior to passing this resolution kay basin kun ato ni i-condemn siya, di na hinuon motunga sa atong session kay mahadlok na na ron,” dugang ni Martinez. (BANAT NEWS)
- Latest
