Upat ka durugista sa Cebu City ug Mandaue nasikop
Rowena D. Capistrano, Romeo T. Limpangog, Romeo D. Marantal (Banat) - September 16, 2020 - 12:00am

Cebu, Philippines —  Usa ka senior citizen ang nasikop atol sa gipahigayong buybust operation sa City Intelligence Unit sa Cebu City Police Office pinangulohan ni Police Major Randy Caballes kagahapon sa buntag diha sa Sitio Kamagong, Barangay Lahug, Dakbayan sa Sugbo.

Ang suspetsado mao si Germinigildo Catubay Lisondra alyas “Bebot”, 60-anyos, residente sa maong dapit gikonsidera nga high value individual (HVI) ug anaa sa drug watch list sa kapolisan.

Nasakmit sa kapolisan gikan kang Lisondra ang 35 ka gramong shabu nga nibalor tanan ngadto sa P238,000.

Sa laing bahin, duha ka suspetsadong durugista ang nasikop usab atol sa buy-bust operation sa kapolisan sa Presinto 6 sa Mandaue City Police Office niadtong Lunes sa hapon diha sa Barangay Tabok, Dakbayan  sa Mandaue.

Si Police Major Hugo Rio Ipong, hepe sa Presinto 6 niila sa ilang nadakpan nga sila si Retchiebel Sugarol, 47 ug Junrey Flores, 32, pulos nagpuyo sa maong dapit.

Matud ni Ipong nga si Sugarol maoy ilang tumong sa buy bust operation apan si Flores kinsa diha atol sa operasyon ang nisulay kini sa pagpugong sa mga polis hinungdan nga giapil kini sa pagdakop.

Nasakmit sa mga polis gikan kang sugarol ang unom ka gagmay nga paketeng shabu.

Sa laing bahin usab, usa ka 40-anyos nga babaye ang nasikop atol usab sa buy bust operation sa Philippine Drug Enforcement Agency (PDEA)-7 ug sa kapolisan kagahapon sa buntag diha sa Barangay Sambag 2, Dakbayan sa Sugbo

Ang nasikop mao si Maricar Llaguno, walay trabaho ug target list drug personality nga nag-operate sa Dakbayan sa Sugbo.

Nasakmit gikan sa suspetsado ang pinutos nga shabu nga nitimbang og 2.5 gramos ug nibalor tanan ngadto sa P17 mil ug buy bust money.

Giingong si Llguno ig-agaw sa namatay nga si Tata Negro ug gituohan nga bodegera sa ilang grupo apan gipaubos pa kini sa pakisusi sa team nga nihimo sa maong operasyon. (BANAT NEWS)

SENIOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with