35 brgy. way natalang kaso sud na sa 14 ka adlaw
Caecent No-ot Magsumbol (Banat) - September 14, 2020 - 12:00am

CEBU, Philippines — Dul-an katunga na sa 80 ka barangay sa Cebu City ang wa nay natalang bag-ong kaso sa novel coronavirus sud sa nakalabay nga 14 ka adlaw base sa kada adlaw nga pag-monitor nga gihimo a  Emergency Operations Center (EOC) sa siyudad.

Dako kining kalamboan kun itandi sa nangaging mga buwan diin upat nalang ka barangay ang wala pay natalang kaso, ang tanan dunay bisag us aka kaso sa ilang dapit samtang gatosan sab sa uban.

Gipahibalo ni Councilor Joel Garganera, deputy chief implementer sa EOC, 35 ka barangay ang wala nay natalang bag-ong kaso, samtang 45 ka barangay pa sab ang duna pay aktibong kaso.

Dili gusto ni Garganera ibutyag sa publiko kun unsa ning 35 ka barangay nga wa nay bag-ong mga kaso aron ang mga tawo magpabiling mainampingon ug mosunod sa mga minimum health standards tungod sa pagkompiyansa dako ang purohang matakboyan sa maong sakit.

Subay sa Covid-19 daily tracker sa Department of Health (DOH)-7 ang Cebu City adunay siyam ka barangay ang dunay dili momenus napulo ka aktibong kaso sa Covid-19 karon.

Ang nag-una mao ang Barangay Apas nga adunay active cases nga 52, apil na niini kadtong lima ka bag-ong kaso nga nareport niadtong Septiyembre 12.  Ang 17 niini nalandig sa tambalanan samtang ang uban gibutang sa isolation.

Samtang ang Barangay Guadalupe dunay 36 active cases, Talamban  29, Bacayan 23, Tisa 24, Mabolo 15, Basak Pardo ug Labangon tag 11 matag usa ug 10 sab sa Bulacao.

Samtang ang ubang mga barangay dunay usa o duh aka aktibong kaso ug kadaghanan naa sa isolation. Samtang nagpabiling Covid-free ang upat ka barangay sa bukirang bahin sa Cebu City nga maong ang Barangay Malubog,Sudlon 1, Buot ug Paril.

Sumala pa sa EOC ang siyudad nakapaubos na sa test sa 57,192 ka tawo ug niadtong lang Septiyembr 12 adunay, 595  ka tawong napaubos sa test ug 25 niini ang positibo.

Base sab sa maong DOH-7 data, ang Cebu City aduna karoy 392 active cases, Mandaue 248, ug Lapu-Lapu City 190. Ang  Cebu Province adunay 590 active cases, Negros Oriental 28 active cases, ang Bohol dunay 107.

Samtang COVID-free na balik ang Siquijor human nangaayo ang upat nila nga nagpositibo.

Don’t celebrate prematurely

Si Mayor Edgardo Labella mipahimangno sa publiko nga dili ahaton ang pagselebrar tungod lang kay daghan na ang gipabalik nga mga kompanya sa ilang operasyon.

“But even if the numbers are good, it is not the time to be complacent and to prematurely celebrate. We still have a lot to do. We have started with the more challenging task of rebuilding our economy while COVID-19 is still around,” matud ni Labella.

Nagpasalamat hinuon siya sa tanan nga nikooperar ug nisuporta sa gitinguhang pagpabangon balik sa ekonomiya a siyudad samtang naningkamot mapanalipdan ang kaugaling gikan sa pandemiya.

“Thank you to everyone for all your contribution to the effort to protect our community… “Let us continue working together and praying for each other,” matud sa mayor. /IBM (BANATNEWS)

CEBU CITY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with