5 barangay kapitan sa sugbo gisuspenso
(Banat) - September 13, 2020 - 12:00am


CEBU, Philippines — Lima ka mga barangay kapitan sa Sugbo ang naapil sa 89 ka mga opisyales sa barangay sa nasud nga gipaubos sa unom ka bulang preventive suspension tungod sa alegasyong mga iregularidad may labot sa implimentasyon sa unang hugna sa Social Amelioration Program (SAP).

Ang lima mao silang Patricio Soco sa Barangay Alang-Alang, Mandaue City; Ulysses Raganas sa Barangay Linao, Talisay City; Zosima Rojo sa Barangay Upper, Natimao-an, Carmen; Norman Navarro sa Barangay Basak-San Nicolas, Cebu City;  ug Ignacio Cortes II sa Barangay Centro, Mandaue City.

Si Department of Interior and Local Government (DILG) Secretary Eduardo Año mimando sa mga mayor nga ipatuman ang suspension order sa Office of the Ombudsman sa labing daling panahon.

Ang DILG maoy nipasaka sa kaso batok sa mga barangay kapitan human sa gihimong imbestigasyon subay sab sa mando gikan mismo ni Presidente Rodrigo      Duterte.

Sa Mandaue City, ang tigpama sa siyudad nga si Atty. John Eddu Ibañez miingon nga nagpaabot pa sila sa kamandoan.

“As of the moment, we have not received any,” matud niya sa The Freeman, igsuong pamantalaan sa Banat News.

Samtang upat ka barangay kapitan sa Central Visayas usab ang gisuspenso samtang kadaghanan sa mga gisuspenso taga National Capital Region ug Region 2.

Si DILG Undersecretary ug tigpamapa sa ahensiya Jonathan Malaya miingon nga ang pagsuspenso og daghang mga barangay kapitan maoy labing unang hitabo sa kasaysayan sa nasud ug unang bahin palang kini sa mosunod pang mga lakang sa DILG aron masilotan ang mga nangurakot  sa implementasyon sa SAP.

“Naway magsilbing babala ang suspensiyon na ito sa iba pang mga lokal na opisyales. Ang katiwalian ay walang puwang sa ating pamahalaan lalong-lalo pa ngayong panahon ng pandemya,” pamahayag pang Año.

Matud ni Malaya ang PNP-CIDG nipasaka na og kaso batok sa 447 ka tawo tungod sa paglapas sa Anti-Graft and Corrupt Practices Act, Bayanihan Act I, ug Code of Conduct of Government Officials and Employees tungod sa SAP.

Ang 211 kanila mga elected local ug barangay officials, 104 appointed barangay officials, ug 132 nga kakunsabong sibilyan. —The Freeman/IBM

SAP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with