Mga sam-ang sa Cebu City sirado atol sa Kalag-kalag
Decemay P. Padilla (Banat) - September 11, 2020 - 12:00am

CEBU, Philippines — Dili pabisitahan sa mga tawo ang mga sam-ang sa Dakbayan sa Sugbo sugod karong Oktubre 30 hangtud sa Nobiyembre nunot sa hulga gihapon sa pandemiya sa Covid-19.

Si Cebu City Mayor Edgardo Labella mipagawas og Executive Order No. 092 nga temporaryong sirad-an ang tanang public ug private cemeteries, memorial ug columbaries sa siyudad.

Ang maong lakang ni Labella gihimo alang sa kaluwasan sa publiko sanglit daghang mga tawo ang modugok sa mga sam-ang panahon sa kalag-kalag aron mobisita ug mohalad ug pag-ampo sa mga minahal nila sa kinabuhi nga mitaliwan na.

Dili gusto ni Labella nga nga mokatap ang Corona Virus Disease(COVID)-2019 sa siyudad sa usa lang ka pamilok tungod sa pagdagsa sa mga tawo sa mga sam-ang.

“Violation of this order by any natural or juridical person may lead to the recovation of their Mayor’s Permit and Business Permit”, tipik sa EO no. 92 ni Labella.

Ang Cebu City Police Office, City Health Department, Cebu City Disaster Risk Reduction Management Office, PROBE Team, Business Permit and Licensing Office(BPLO), inabagan sa Barangay officials gimanduan sa pagpatuman sa maong order.

Si Konsehal Joel Garganera, Deputy Chief Implementer of Inter-Agency Task Force (IATF) Emergency Operations Center(EOC) Cebu City misuporta sa lakang ni Labella.

Samtang si CCPO Director Colonel Josefino Ligan miingon lahi na unya ang security deployment nga buhaton nila itandi sa mga nanglabay nga katuigan nga wala pay pandemya.

Magbutang gihapon sila og tawo sa mga sam-ang aron masiguro nga wala’y mosulod ug dili malapas ang quarantine protocols.

“The security plan nakaandam nata, some modifications nalang tungod sa atong giatubang karon,” matud ni  Ligan. Rowena Capistrano/IBM (BANATNEWS)

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with