Magsuon nga nanigbas pasakaan og kasong murder

CEBU, Philippines — Mag-atubang og kasong murder ang managsuong lalaki human sa pagtigbas patay sa 55 anyos nilang silingan sa  Lungsod sa San Remegio  sa amihanang bahin sa Probinsya Sugbo              

Si Police Staff Sergeant Jade Carabuena sa San Remegio Police Station miila sa managsuon nga sila si  Danilo Abarao, 48 ug manghud niini nga si Mercendo Abarao 46 nga pulos nagpuyo sa maong dapit. Matud pa ni Carabuena nga ang managsuon pulos nakainom og ilimnong makahubog dihang nahidangat sa panimalay sa biktima nga si Peter Dahuman nga nanghagit niini og away.

Nasuta nga dunay panagbikil ang biktima ug ang managsuon pipila ka adlaw na ang milabay atol sa ila gihapong panag-inom.

Si Carabuena miingon  nga ang pag-adto sa managsuon sa balay sa biktima nga si Dahuman mao ang tinguha nila nga husayon ang ilang panagbingkil.

Apan nag-inom una sila nianang sayong buntag sa wa pa moadto sa balay sa biktima.                          

Samtang nag-away si Danilo ug ang biktima ,ang igsoon nga si  Mercendo daw  nagtan-aw lamang ug nagpaabot og higayon alang sa iyang pagdasmag kang Dahuman.

Gitataw ni Carabuena nga si  Mercendo maoy nagtigbas kang Dahuman sa makadaghang higayon sa lain-laing bahin sa lawas niini nga maoy hinungdan sa iyang hinanali nga kamatayon.

Si Danilo mitahan sa iyang kaugalingon ngadto sa  kapolisan alas dose sa udto kagahapon  samtang si Mercendo ang nasikop didto sa ilang panimay usa ka oras

Gitanggong na karon ang duha sa detention cell sa San Remegio Police Station ug gitakdang pasakaan og kasong murder karong adlawa. /MEL (BANATNEWS)