P67.5 milyones infra projects gisugdan didto sa Camotes

CEBU, Philippines — Moabot ngadto sa P67.5 milyones nga kantidad sa proyekto sa kadalanan ang na-inagurahan sa Camotes island.

Apil sa nga gipahigayonan sa groundbreaking mao ang P12.5 milyones nga road concreting project sa Barangay Eastern Poblacion ngadto sa Barangay Altavista FMR (farm to market road) sa lungsod sa Poro. Si Congressman Vincent “Duke” Frasco maoy nihimo og paagi nga mapondohan ang maong proyekto gikan sa national government.

Matud ni Gobernador Gwendolyn Garcia nga ang Kapitolyo na ang mopadayon pagpakonkreto sa dalan didto sa Barangay Altavista sunod buwan.

Laing gipahigayonan og ground breaking mao ang upat ka kilometro nga road concreting project sa Poblacion Poro Road Section Phase II nga nagkantidad og P55 milyones.

Gi-inagurahan usab ang concreting project sa Poblacion Poro Road Section Phase 1 sa Barangay Mercedes.

Una ng nagkanayon si Garcia nga bisan naa ning pandemiya, walay gi-realign nga pundo ang Kapitolyo ug padayon ang infrastructure projects sa Probinsya sa Sugbo. /IBM (BANATNEWS)