LTO: Walay face shield dili pasakyon

CEBU, Philippines — Ang Land Transportation Office (LTO)-7 nakig-alayong sa Land Transportation Franchising and Regulatory Board (LTFRB)-7 sa pagpakatap og mga personnel atol sa unang adlaw sa implementasyon sa “No Face Shield, No Ride Policy” sa tanang public transportation karong adlawa.

Kini aron pagsiguro nga ang mga sumakasakay nisunod sa Department of Transportation (DOTr) Memorandum Circular 2020-014 nga nag-require sa tanang public transport passengers sa pagsul-ob og face shields gawas sa face masks.

Ang direktor sa LTO-7 Emmanuel Victor Caindec nakigtagbo sa iyahang operations team kagahapon aron sa pagbahin sa ilang mga personnel nga i-deploy ngadto sa mga strategic locations.

"We will deploy our personnel to check whether the drivers and conductors themselves are following our mandate. We expect that the drivers, conductors will not allow passengers to ride unless they have their face shields on”, matud ni Caindec.

Niadtong Agosto 3, 2020, ang DOTr niluwat kini og kamandoan alang sa mandatory nga paggamit og face shield diin tumong niini ang paghatag og dugang essential layer nga proteksiyon alang sa riding public aron sa pagmenos sa risgo nga mataptan sa virus.

"A face shield and mask inside a mode of public transport is better than being in the hospital. Mas mahal ang ibutang nga respirator sa imong nawong simbako ma-COVID sila”, padayag ni Caindec. Si Caindec gikatakdang makigtagbo kang Police Brigadier General Albert Ignatius Ferro sa Police Regional Office (PRO)-7 aron mangayo og tabang sa pagpatuman sa maong kamandoan.

Ang mga pasahero kinsa masakpan nga mosakay og public transport nga walay face shield pakanaogon kini sa sakyanan. —/BDB (BANAT NEWS)