^
Food delivery gikargaha'g usa ka kilong shabu
Ang nasikop mao si Baltazar Eranes Jr., 40, taga Barangay Ermita kinsa nigamit og motor nga dunay kahon sa Food Panda ug nagsuot sab kini og uniporme sa maong food delivery service.
Miguel De Guzman, file

Food delivery gikargaha'g usa ka kilong shabu

Sheriza Mae Uy, Rowena Capistrano, Romeo Marantal (Banat) - August 15, 2020 - 12:00am

CEBU, Philippines — Usa ka 40-anyos nga food delivery driver ang nasikop sa hiniusang buy-bust operation sa mga tinugyanan sa Philippine Drug Enforcement Agency 7 ug kapulisan diha sa J. Alcantara Street, Barangay Sambag-1, Cebu City kagahapon sa hapon.

Ang nasikop mao si Baltazar Eranes Jr., 40, taga Barangay Ermita kinsa nigamit og motor nga dunay kahon sa Food Panda ug nagsuot sab kini og uniporme sa maong food delivery service.

Matud pa ni PDEA-7 Regional Director Levi Ortiz, taud-taod na nilang gimonitor ang kalihukan ni Baltazar apan kalit kining nahunong sa dihang nagnihit ang supply sa shabu dinhi sa Sugbo apan nibalik ning bag-ohay lang.

Sumala pa ni Ortiz first class ang shabu nga nakuha gikan kang Baltazar nga gituohan nga gikan sa China kini base sa pag repack niini nga naka vacuum style.

Gitug-an ni Ortiz dunay nakatug-an kanila bahin sa ilegal nga kalihokan ni Baltazar mao nga ilaha kining gipanid-an.

Dako ang pagtuo ni Ortiz, nga posibleng gigamit ni Baltazar ang iyang pagka driver aron siya makahatud ug illegal nga drugas tungod kay mahimo man sila makalusot-lusot bisan asa. Susihon pa hinoon nila ni Ortiz, kung kinsa ang mga posibleng kauban ni Eranes, ug paladman pa nila ang background niini, apan base sa impormasyong ilang nadawat nga "front" lang niini ang food delivery.

Nasakmit gikan Eranes  ang usa ka kilo sa gituohang shabu nga mobalor og dili mominos P6.8 milyones base sa Dangerous Drug Board Value, ug ang buy bust nga kwarta.

Si Eranes mitug-an sa mga tigbalita nga dili iya ang maong drugas ug igo ra siyang gipahatud niini ug wa sab siya masayod nga drugas ang maong kargamento.

Si Eranes, nagsugod isip food delivery niadtong buwan sa Pebrero.  Miangkon sab siyang napriso siya kaniadto sa laing kaso apan dili sa ilegal nga drugas.

Si Eranes  napriso sa kasong robbery ug nakagawas sa prisohan niadtong tuig 2017 human siya nakabutang og piyansa sumala pa sa PDEA-7.

Sa pikas bahin, mokabat ngadto sa P9.4 milyones nga balor sa illegal nga drugas ang nasakmit sa Cebu City Police Office (CCPO) sulod lang sa usa ka semana nga operasyon sa Dakbayan sa Sugbo.  Basi sa talaan sa CCPO diin nanguna sa taas nga nasakmit nga drugas mao ang City Intelligence Branch (CIB) ubos sa pagdumala ni Police Major Randy Caballes sa nakuha nga kapin 1 ka kilo nga shabu sa Barangay Guadalupe Dakbayan sa Sugbo niadtong Martes sa gabii.

Gisundan dayon kini sa 40 gramos nga nakuha Sa Waterfront Police Station ubos sa pagdumala ni Police Captain Miles Damoslog ug ang Mabolo Police Station nga nakakuha og 9.1 gramos sa shabu.

Usa ka Evy Tuñacao dela Cruz,  29, ang nasikop sa buybust operation sa Station Drug Enforcement Unit sa Waterfront Police Station  diha sa Looban, Villagonzalo 2 sa Brgy. Tejero sa Dakbayan sa Sugbo. Giingong siya maoy nisunod sa bana sa pagpamaligya og drugas dihang nadakpan kini niadtong 2017 tungod kay wala siya trabaho. Nakuha sa iyang posisyon ang 12 gramos sa gidudahang shabu nga mobalor P81,600.

Subay niini, gimando ni CCPO Director Police Colonel Josefino Ligan nga pangusgan pa gyud ang operasyon batok ilegal nga drugas karong nibalik na usab ang namaligya ug nisaka ang demand sa ilegal nga drugas karong nag General Community Quarantine (GCQ) na ang dakbayan. —/IBM (BANAT NEWS)

SHABU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with