COVID-19 update: Kapin 7 mil na nangaayo sa Cebu City
CEBU, Philippines — Niabot na sa 7,006 ang total recoveries sa novel coronavirus disease (COVID)-2019 ang siyudad sa Sugbo kini base sa datos nga gipagawas sa Department of Health Central Visayas niadtong Huwebes, Agosto 13.
Sa datos sa DOH-7 sa tibuok Central Visayas ang Cebu City maoy dunay pinakadaghan nga recoveries ug gisundan kini sa Probinsiya sa Sugbo nga naa sa 1,391; siyudad sa Lapu-Lapu nga 1,275; Dakbayan sa Mandaue 1,162 dayon sa Talisay, Minglanilla, Consolacion, Negros Oriental ug Bohol.
Kahinumduman nga ang Cebu City Government dunay giandam nga mga quarantine centers aron didto atimanon ang mga residente sa dakbayan nga naigo sa COVID-19 sama sa asymptomatic ug kadtong mga mild to moderate cases.
Gani ang mga isolation centers nga naa sa siyudad sa Sugbo gilangkuban sa Cebu City Quarantine Center, Bayanihan Field Center sa Sacred Heart School-Ateneo, ug field center sa IEC Convention Center nga modawat og mild to moderate cases.
Naa sab ang New Normal Oasis for Adaptation and a Home(NOAH) Complex diha sa South Road Properties(SRP).
Sa pagkutlo ning maong balita ang dakbayan sa Sugbo dunay 9,314 total confirmed cases diin 1,701 niini ang total active cases ug naa sa 7,006 ang total recoveries ug naa sa 607 ang total deaths. —/IBM (BANAT NEWS)
- Latest
