Estriktong pagpatuman sa ordinansa sugdan ugma
Decemay Padilla, Sheriza Mae Uy (Banat) - August 15, 2020 - 12:00am

CEBU, Philippines — Karong adlaw'ng Domingo, Agosto 16, 2020 magsugod na ang implementasyon sa ordinansa nga magpahamtang og silot sa mga quarantine violators.

Si Konsehal Dave Tumulak miingon mitambong sa meeting kagahapon ang representante sa Cebu City Police Office, korte, City Legal Office, Bureau of Jail Management and Penology ug Prevention Restoration Order Beautification Enhancement (PROBE). Sigon ni Tumulak, sa mga molapas sa quarantine protocol sugod karong Domingo, mapasakaan gyud og kaso sa korte.

Sa mga first offenders, depende sa korte kun sila pabayron pa sa multa nga P1,500 o kaha mabilanggo sila sulod sa 30 ka adlaw.

Kun pananglitan pamultahon sila, ang mga nakalapas adto mobayad sa korte og P1,500 maong gihangyo sa konsehal ang mga tawo nga motuman sa quarantine protocol tungod kay ang tumong sa maong ordinance nga dili na mokatap pa ang COVID-19.

"Dad-on gihapon sa plaza para na siya pag-file na og case, pag process ngadto sa mga police stations kung asa siya na belong nadakpan. So, i-record na tanan, usa ray recording ang PROBE para ma determine nato first offense o second offense," sigon ni Tumulak.

Karong Miyerkules amendahan ang penalty sa ordinansa kini base sab sa request ni Mayor Edgardo Labella kay matud pa naluoy ang mayor sa madakpan.

Kun pananglitan maaprubahan sa konseho ang amendment ang siyudad makapangayo nalang og administrative fine nga P500 ug dili na sila i-prosecute sa korte.

Apan samtang wala pa nahitabo ang amendment kun unsay penalty nga nakalatid sa ordinansa mao kadtoy sundon.

Samtang mahitungod sa mga menor de edad nga makalapas sa quarantine protocols, si Tumulak miingon nga ang Juvenile Justice Law ang basehan niini.

"Ang mo-apply ana kanang Juvenile Justice System basta minor, depende na sa court (ginikanan ang pasakaan og kaso) kay ang Juvenile Justice Law man maoy atong i-enforce og minor," dugang sa konsehal.

Sa pikas bahin, si Cebu City Police Office (CCPO) Director, Police Colonel Josefino Ligan miingon nga andam na sila sa pagpatuman sa ordinansa batok niadtong dili magsuot og facemask,  dili mag social distancing, ug sa wala pagsunod sa schedule sa Quarantine Passes.

Karong daghan na ang namalik sa trabaho, ang Department of Labor and Employment mipagawas na sab og kamandoan nga kinahanglang magsul-ob og facemask ug face shield sa mga trabahante sa tanan panahon.  — /IBM (BANAT NEWS)

QUARANTINE VIOLATORS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with