Reclamation project sa Lapu-Lapu gilauman nga mosulbad sa trapik
CEBU, Philippines — Malaumon si Lapu-Lapu City Mayor Junard Ahong Chan nga masulbad na unya ang problema sa trapiko sa dakbayan ingon man kahatagan na og luna nga kabalhinan ang mga informal settler sa ilang siyudad.
Kini human nipirma na og memorandum of agreement si Mayor Chan tali sa Mactan Bluewater Development Consortium nga maoy mougmad sa 203 ka ektarya nga reclamation project.
Ang maong proyekto maglangkub sa kadagatan gikan sa Barangay Punta Engaño ug Canjulao. Sa higayon nga makompleto na ang maong proyekto ang kagamhanan sa dakbayan adunay total share nga 52 percent sa reclaimed area samtang 48 porsyento ang maadto sa developer. Samtang way gasto ang siyudad sa maong proyekto. Suma pa ni Chan nga ang gilapdon sa ilang himoong coastal highway moabot sa 30 ka metros ug kini maoy gipaabot nga makahatag ug kasulbaran sa kahuot sa trapiko sa ilang syudad.
Giplanohan usab nila ang pagtukod og socialized housing projects alang sa mga informal settlers. /MEL (BANATNEWS)
- Latest