COMELEC sa Talisay online na sa ilang mga transaksyon
CEBU, Philippines — Mas gipasayon ang pagkuha og voter’s certification sa Commission on Elections (COMELEC) sa Syudad sa Talisay aron kalikayan ang pagkatap sa COVID-19.
Ang social media page sa COMELEC Talisay nianunsyo niini aron dili na taas ang oras sa mga tawo nga mogawas sa ilang panimay.
Base sa advisory gidasig ang katawhan nga dunay tuyo sa buhatan nga mopadangat una sa ilang mensahe sa ilang katuyuan pinaagi sa ilang facebook page.
Ang mga kawani mohatag og petsa ug oras sa pag-adto o sa pag-claim sa ilang buhatan ingon man magdala og P75 nga bayronon, ID, ingon man authorization letter alang niadtong gisugo lang sa paghimo og transaksyon.
Samtang ang mga senior citizens ug mga persons with disabilities PWDs ang dili pabayron sa ilang mga transaksyon. /MEL (BANATNEWS)
- Latest
