Kalamposan sa PRO-7 ubos sa pagduma ni Police Brigadier General Ferro
Sheriza Mae Uy (Banat) - August 11, 2020 - 12:00am

CEBU, Philippines — Mokabat ngadto sa kapin tunga sa bilyon ka pesos nga balor sa illegal nga drugas ang nasakmit sa Police Regional Office 7 sulod sa unom ka buwan.

Kini sukad sa paglingkod ni Police Brigadier General Albert Ferro niadtong Pebrero ning tuiga isip Regional Director sa PRO-7.

Basi sa talaan sa PRO-7 nakasakmit silag 56.003 ka kilo sa gituohang shabu nga mobalor og P380,826,656  segun sa dangerous drugs board value samtang naka ibot usab silag kapin sa usa ka toneladang punoan sa marijuana nga adunay kantidad sa P128 Million.

Napahigayon usab nila ang  2,642 ka anti- illegal drug operation sa tibuok rehiyon ug 2,103 niini buy bust, 39 ang search warrant, 79 ka warrant of arrest, 18 ka marijuana eradication, 312 ka police response ug 61 ka checkpoints.

Nakasikop usab silag 3,978 ka mga personalidad diin 2,678 niini mga drug pushers, 1,300 ang user, 319 ang high value target, 3,659 ka street level individual ug 14 ang namatay sa police operations.

Matud ni Ferro nga dakong hagit ang iyang unom ka buwan nga paglingkod isip Director sa Central Visayas.

Usa na niini ang pagpakigbatok sa corona virus disease sa tibuok rehiyon nga usa sa labing daghang kaso sa tibuok nasud.

Apan bisan pa man sa mga pagsuway nga nasugatan gipasigarbo gihapon sa heneral ang iyang mga nahimo nga iyang gihulagway nga sila nagmalampuson.

Laing kalamposan sa PRO-7  mao ang pagkasikop sa 10 ka mga notadong drug group sa Central Visayas nga nagtago tago sa Dakbayan sa Talisay, kini mao ang Luage, Obrero, Managna ug Vinculado drug group nga pulos nakalinya kaniadto ni Franz Sabalones.

Samtang kapin sa 400 ka mga loose firearms ang ilang nabawi gikan sa mga residente sa mga bukirang dapit sa 347 ka operations.

Nakadakop usab silag 1,556 ka mga wanted person sa tibuok rehiyon diin 51 niini mga most wanted person, pito sa provincial level, 21 sa municipal level, 9  sa city level ug 24 sa station level.

Samtang 15 ka mga sakop sa community terrorist groups ug mga supporters niini ang ilang nadakpan didto sa Negros Oriental.

Gikalipay usab ni Ferro ang pagkatukod sa malasakit recovery center diin daku og natabang alang sa recovery sa 500 ka polis nga nagpositibo sa COVID-19. /MEL (BANATNEWS)

PRO-7
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with