Kabtangan sa probinsiya nisaka ngadto sa P202.9 bilyones
CEBU, Philippines — Gibutyag ni Governor Gwendolyn Garcia sa Probinsiya sa Sugbo nga nisaka ang total asset sa probinsiya sa pagtapos sa buwan sa Disyembre sa tuig 2019.
Matud ni Garcia nga gikan sa P34.5 bilyones nga total assets niadtong tuig 2018 nisaka kini ngdato sa P202.9 bilyones sa tuig 2019 o nikabat sa P168 bilyones ang saka.
Ang reappraisal sa mga provincial property maoy gitumbok nga hinungdan sa pagsaka sa assets sa probinsiya.
Si Garcia nagkanayon nga taliwala sa nasinati nga pandemiya ang Kapitolyo padayon gihapon sa pagpatuman sa mga proyekto sa imprastraktura sama sa pagpaayo sa mga dalan, taytayan ug water system ubos sa tuig 2020 annual budget.
Gibutyag ni Garcia nga nagpadayon ang road concreting projects diha sa pito ka distrito sa probinsiya ug nanghinaot sila nga sa kataposan niining tuiga makompleto na ang 250 kilometers nga provincial roads.
Gawas niini, gilakbit ni Garcia nga ang bidding sa water system on going na usab kini.
"Rest assured, laomi nga naningnkamot kita. Nasayod kita nga kadaghanan ninyo naghuna-huna kanos-a mahuman. Tagai ta og gamay nga panahon. We are doing everything humanly possible in spite of 50% workforce to achieve all of these projects because you have long deserve this”, dugang ni Garcia. /BDB (BANATNEWS)
- Latest
