Kritikal nga lugar sa Bantayan ipaubos sa total lockdown
CEBU, Philippines — Gimando ni Mayor Arthur Despi sa Lungsod sa Bantayan ang pagpaubos sa “total lockdown” sa mga giila nga kritikal nga lugar sa maong lungsod.
Giingong nasuta nga ang Barangay Suba maoy tinubdan sa COVID-19 sa pito pa ka barangay sa kinatibuk-ang 19 ka barangay sa Bantayan.
Ang Executive Order No. 43 nga giluwatan ni Despi gibase kini sa giduso nga mga lagda sa Bantayan Inter-Agency Task Force (BIATF) nga nag-awhag pinaaging sa pagpalabang og resolusyon sa pagpatuman sa 14 ka adlaw nga lockdown sa mga molupyo ug pag-contain sa mga giila nga kritikal nga barangay.
Ang implementasyon sa nahisgutang EO gisugdan kini sa alas 6:00 sa gabii kagahapon.
"No resident of Barangay Suba may go out of the boundaries of the specified critical areas, and no resident outside this barangay may enter the boundary checkpoints except those set forth in Section 1.1 (frontline workers)”, tipik sa EO. /BDB (BANATNEWS)
- Latest
