Ayuda sa LSIs gisugdan na pagpanghatag
Ang kantidad magdepende sa gilay-on sa biyahion sa LSIs diin ang sulod sa Probinsiya sa Sugbo anaa sa P1,000 samtang ang mopauli sa laing probinsiya moabot labing daku P5,000 ang madawat.
Walter Bollozos/File
Ayuda sa LSIs gisugdan na pagpanghatag
Rowena D. Capistrano (Banat) - August 6, 2020 - 12:00am

CEBU, Philippines — Nagsugod na ang kagamhanan sa Dakbayan sa Sugbo sa pagpanghatag sa ayudang pinansiyal sa mga locally-stranded individuals nga taga laing lugar. Unang nakadawat ang 96 ka LSIs pinaagi sa Department of Social Welfare and Services.

Ang kantidad magdepende sa gilay-on sa biyahion sa LSIs diin ang sulod sa Probinsiya sa Sugbo anaa sa P1,000 samtang ang mopauli sa laing probinsiya moabot labing daku P5,000 ang madawat.

Si Mayor Edgardo Labella nitahas sa DSWS sa paghikay sa ayuda sa mga LSIs aron makauli na sa ilang lugar human sa pipila ka buwan nga pagkatanggong sa siyudad tungod sa coronavirus pandemic.

Sa listahan sa DSWS, moabot sa 18,000 ka LSIs ang nagpaabot nga makauli sa ilang lugar karon nga gipaubos na ang Dakbayan sa Sugbo sa general community quarantine. Ang LSIs moagi sa interview isip kabahin sa paghikay sa ilang ayuda nga gipahigayon sa Labangon Elementary School.

Makauli na

Mapasalamaton ang mga LSIs ug mahinangpon nga makauli na sila sa ilang lugar.

Usa sa nakadawat mao si Jeagan Bregole, taga Probinsiya sa Southern Leyte ug kasamtangang nagpuyo sa Sitio Villa Isidra, Barangay Tisa, Dakbayan sa Sugbo kinsa naabtan sa lockdwon sukad niadtong Marso.

Usa siya sa nawagtangan og trabaho maong gusto siya mouli kay gawas nga lisud ang ilang kahimtang, gimingaw na sab siya sa iyang anak.

Nakadawat siya og P2,000 nga ayuda ug kini niingon nga gaan sa paminaw nga makauli na gyud siya. Hinuon matud ni Bregole nga andam gihapon siya mobalik sa Dakbayan sa Sugbo kun moarang-arang na ang sitwasyon tungod kay ang nahitabo dili man sala sa Sugbo.

“Lisud especially dili ka ma-priority sa ayuda kay dinha sa among kuan dili mi mahatdan kay ngano among gipuy-an village unya nagtuo seguro sila nagpuyo sa village mga datu, kami baya kilid sa village, maong lisud,” matud ni Bregole.

Ang pangulo sa DSWS nga si Portia Basmayor nipasabot nga gi-categorize nila ang paghatag og financial assistance sama kun sa Probinsiya sa Sugbo lang mobiyahe, P1,000 ngadto sa P1,500 ang ilang ihatag.

Kun motabok na og dagat sama sa og Negros naa sa P1,500 ngadto sa P2,000 ang ihatag sa matag usa apan kun molabang na sa Mindanao o Manila anaa na sa P5,000 ang mahatag nga ayuda.

Dunay gihimo nga verification ang DSWS ug gi-schedule ang mga hatagan aron deretso na ang paghatag sa ayuda.

Gikuha sa DSWS gikan sa Aid for Individual in Crisis Situation ang pundo alang sa paghatag sa financial assistance sa mga LSIs.  Decemay P. Padilla/GMR (BANATNEWS)

AYUDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with