DENR-7 ipaubos sa 14 ka adlaw nga lockdown
Decemay P. Padilla (Banat) - August 6, 2020 - 12:00am

CEBU, Philippines — Gipaubos una sa 14 ka adlaw nga lockdown ang  buhatan sa Department of Environment and Natural Resources (DENR)-7 nga nahimutang sa Sudlon, Barangay Lahug, Siyudad sa Sugbo human adunay mga personnel nila ang nagpositibo sa COVID-19.

Matud ni Dr. Eddie Llamedo, pangulo sa Planning and Management Division sa DENR-7 nga nagpahigayon sila og rapid test niadtong Hulyo 26, 2020 diin 220 ka personnel ang nipaubos niini.

Ang maong mga personnel naggikan kini sa Environmental Management Bureau (EMB), Mines and Geosciences Bureau (MGB), Provincial Environment and Natural Resources Office (PENRO) ug City Environment and Natural Resources Office (CENRO)

Sa 220 ka personnel 42 ang nagpositibo sa IGM hinungdan nga nag-request sila sa Cebu City Health Department sa pagpahigayon og confirmatory test pinaagi sa swab testing niadtong Hulyo 30.

Gawas sa 42 ka personnel adunay ubang personnel nga boluntaryong nagpaubos sa testing diin nigawas ang resulta niadtong Domingo ug nasuta nga unom ka personnel sa DENR-7 ang nagpositibo sa COVID-19 diin pulos kini asymptomatic.

Sa unom nga nag positibo, lima niini gikan sa DENR regional office sa Sudlon ug ang usa sa EMB.

Gibutyag ni Llamedo nga atol sa ilang tigom niadtong Lunes gihisgutan nila ang pagpatuman og 14 ka adlaw nga lockdown sugod sa Agosto 4 hangtud sa Agosto 17, 2020.

Matud usab ni Llamedo nga bisan og lockdown ang ilang buhatan dili gihapon maapektohan ang ilang serbisyo tungod kay ang mga kliyente pweding mopadangat sa ilang concern diha sa official facebook page sa DENR Central Visayas. /BDB (BANATNEWS)

DENR-7
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with