Mga positibo sa COVID-19 sa Talisay gibalhin na
CEBU, Philippines — Gisugdan na sa pagbalhin ngadto sa bag-ong pasilidad ang mga tawo nga nagpositibo sa COVID-19 sa Dakbayan sa Talisay.
Matud ni Dr. Lino Alanzado, pangulo sa City Health Office nga lima ka tawo ang ilang gipahiluna diha sa bag-ong facility.
Ang siyudad nihangop sa ulahing kalamboan diin tulo lang ang bag-ong kaso niini sa COVID-19 ug 25 ang natala nga naka-recover na.
Ang mga nagpositibo gikan sa Barangay San Isidro, Tabunok ug Lawaan 3. Sa kinatibuk-an niabot ngadto sa 757 ang kaso sa COVID-19 sa siyudad ug ang aktibo niini 104 lang.
Sa kinatibuk-an usab niabot ngadto sa 576 ang naka-recover ug 75 ang namatay. /BDB (BANATNEWS)
- Latest