Ika-451st founding anniversary sa probinsiya yano nga saulogon

CEBU, Philippines — Ang Kapitolyo dili una mopahigayong og dakong selebarasyon sa pagsaulog sa ika-451st nga founding anniversary sa Probinsiya sa Sugbo karong Agosto 6, 2020.

Si Cebu Governor Gwendolyn Garcia nagkanayon nga sa maong adlaw adunay ipahigayong flag raising uban kang Bise Gobernador Hilario Davide III, mga provincial board member, department heads ug pipila ka empleyado.

Sa tradisyonal nga flag raising sa mga munisipyo ug dakbayan sa Lalawigan sa Sugbo adunay mga empleyado nga tahasan nga mohimo niini.

“We decided not to ask the mayor to come to the Capitol. We can’t call it a celebration actually because we are still in the midst of this pandemic, Cebu City is still GCQ and there are still restrictions in gatherings. Our plans will just be a one day affair”, matud ni Garcia.

Human sa flag raising adunay ipahigayon nga misa diha sa Capitol Social Hall ug simple nga paniudto diha sa buhatan sa gobernador.

Si Garcia nagkanayon nga dili usab siya mohimo sa iyang State of the Province Address (SOPA) karong tuiga.

“I’m not inclined to deliver a State of the Province Address at this point in time when everybody knows what state we are in”, dugang ni Garcia. – Le Phyllis F. Antojado/BDB

Talisay mobukas sa border niini diha sa Bulacao

Gikatakdang buksan na sa Dakbayan sa Talisay ang border niini diha sa Barangay Bulacao alang sa mga tawo nga mosulod sa siyudad.

Kini ang gipahibalo ni Talisay City Mayor Gerald Anthony “Samsam” Gullas Jr. human sa ilang tigom tali kang Gobernador Gwendolyn Garcia

“The decision to open is made to make things easier for everyone. A checkpoint will remain to check the documentation para dili leisure ang lakaw”, matud ni Gullas sa iyang facebook post kagahapon.

Apan wala gibutyag ni Gullas ang tukmang adlaw sa pagbukas sa border sa Bulacao.

Gikan sa alas 5:00 sa hapon hangtud sa alas 9:00 sa gabii ang pagbukas sa Bulacao border.

“If mo uli ka to Talisay or the south, you can now pass by Bulacao already between 5:00pm-9:00pm”, ni Gullas pa.

Samtang sa Lungsod sa Consolacion, si Mayor Joannes Alegado nagkanayon nga alang sa mga residente sa lungsod nga nagtrabaho diha sa Cebu City moisyu sila  og passes nga maoy gamiton sa mga trabahante.

Ang maong “point to point” passes gamiton kini sa mga trabahante padulong lang sa trabaho ug pauli sa ilahang balay.

Matud ni Alegado nga magsugod sila og isyu sa maong passes karong semanaha.

Sa laing bahin, sa Lungsod sa Minglanilla susama usab ang himuon diin mo0isyu usab  sila og passes sa ilang mga residente nga nagtrabaho diha sa Cebu City.

Usa sa mga rekisitos sa pagkuha og passes mao ang pag-download sa “WeTrace.ph” nga mobile app diin tumong niini nga ma-monitor ang lihok sa trabahante. /BDB (BANATNEWS)