Border control magpabilin ubos sa GCQ
Le Phyllis F. Antojado (Banat) - August 1, 2020 - 12:00am

CEBU, Philippines — Bisan og anaa na sa general community quarantine (GCQ) ang Dakbayan sa Sugbo, magpabilin gihapon ang border control checkpoints sa Probinsiya sa Sugbo nga ubos na sa modified GCQ.

Matud ni Gob. Gwendolyn Garcia nga hinay-hinayan lang ang transition sa border control aron maseguro nga dili mosaka ang kaso sa coronavirus disease.

“Di man ta pareha gihapon og classification kay kung ma-GCQ ang Cebu City, MGCQ man ang Province. So, we’d rather nga hinay-hinay sa ta kay nakahinumdum mo adtong na GCQ ang Province, GCQ ang Cebu City, unya atong giablihan ang borders nato, diha ni-shoot up ang atong (Covid-19) positives,” matud ni Garcia.

Ang border sa South Road Properties magpabilin nga mao ra ang entrance padulong sa habagatang bahin sa probinsiya ug magpabilin nga sirado ang sa Bulacao nga border.

Ang barangay checkpoints magpabilin usab matud sa gobernador.

Didto sa Lungsod sa Sta. Fe, gilibkas usab ni Mayor Ithamar Espinosa ang border control alang sa mga gikan sa Bantayan ug Madridejos.

Si Police Regional Office 7 Director Albert Ferro niingon nga bisan pa man nga giluagan na ang quarantine sa Dakbayan sa Sugbo dili gihapon angayan nga mokompiyansa ang publiko.

Matud ni Ferro nga dili na siya makatugot nga mobalik na usab ang tibuok Metro Cebu sa MECQ status hinugdan nga mas istrikto gihapon ang seguridad ug monitoring sa mga quarantine passes sa mga manggawas base sa Inter Agency Task Force (IATF) guidelines.

Gawas sa Dakbayan sa Sugbo, nagpabiling GCQ ang Dakbayan sa Mandaue, Lapu-Lapu ug Talisay, ug Lungsod sa Minglanilla ug Consolacion.

Lakip nga bantayan sa kapolisan mao ang pagpamadlong sa mga tawo nga dili magsunod sa one-meter distance policy ug pagsul-ob og facemask.

Gani gihangyo ni Ferro ang Kampo Crame nga ipabilin ang mga personnel gikan sa Rehiyon 6 ug 8 nga gipadala sa Sugbo lakip na ang Special Action Force nga maoy nipatuman sa tanang protocols sa kadalanan sa Dakbayan sa Sugbo.

Dugang ni Ferro nga hugot pa gihapon nga gidili nga makagawas ang mga nag-edad og 21 paubos ug 60 pataas kung dili importante ang tumong.

Samtang kadtong nanarbaho nga mogawas sa Dakbayan sa Sugbo ug mosulod nagkinahanglan sila nga mopakita og dokumento sama sa health clearance certificate ug travel pass gikan sa police stations. —Sheriza Mae R. Uy/GMR (BANATNEWS)

GCQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with