Basilica abli na karong adlawa
CEBU, Philippines — Bukas na alang sa mga pilgrims ug deboto ang Basilica Minore del Sto. Niño de Cebu sugod karong adlawa.
Ang pagbukas sa simbahan magsugod gikan sa alas 6 sa buntag hangtud sa alas 7 sa gabii samtang ang public mass sugdan ugma sa pilgrim center.
Ang kandilaan bukas kini ingon man ang veneration sa imahe sa Balaan nga Bata, Señor Santo Niño, sulod sa simbahan atubangan sa Marble Chapel.
Gipahibawo sa kaparian nga suspendido pa ang pagpangompisal samtang pabilin usab nga sirado ang adoration chapel.
Ang kadagkuan sa simbahan nipahibawo nga limitado lang una ang makasulod hinungdan nga gidasig nila ang mga magtutuo nga padayon lang nga magsunod sa official Facebook page sa Basilica ug sa ilang Youtube channel.
Ang mga deboto nga mosulod sa simbahan giawhag usab nga mosunod sa tanang health protocols. /GMR (BANATNEWS)
- Latest